Fana: At a Speed of Life!

በአፋር የተገኘው 3 ነጥብ 8 ሚሊየን እድሜ ያለው የራስ ቅል ከሉሲ በፊት የነበረውን ጥንታዊ የፊት ገፅታ የሚያሳይ ነው ተባለ

አዲስ አበባ፣ ነሃሴ 23፣ 2011 (ኤፍ.ቢ.ሲ) በአፋር የተገኘው የ3 ነጥብ 8 ሚሊየን እድሜ ያለው የራስ ቅል ጥንታዊ ወይንም በቅድመ ሉሲ የነበረውን የፊት ገፅታ የሚያሳይ ነው ተባለ፡፡

በትናትናው ዕለት በአስትራሎፒትከስ አናሜንስስ ወይንም በአስትራሎፒትከስ የሰው ዘር የሚመደብ የራስ ቅል የተገኘ ሲሆን ይህም የሉሲ ቀደምት ዘር ነው ተብሏል፡፡

በአስትራሎፒትከስ አናሜንስስ የሰው ዘር በኩል ከዚህ ቀደም በተካሄደው ፍለጋ የተገኘው ቅሪት አካል ጥርስ እና መንጋጋ ብቻ እንደነበር ተጠቁሟል፡፡

በአስትራሎፒትከስ አናሜንስስ የቅሬታ አካል ፍላጋ ላይ በተሰራው ስራም በፕሮፌሰር ዩሃንስ ሃይለስላሴ፣ ስቴፌኔ ሜሊሎ እና በስራ ባልደረቦቻቸው ነው የሉሲ ቀደምቶችን የፊት ገፅታ የሚያሳይ የራስ ቅል የተገኘው፡፡

ይህ ቅሪት አካል በአፋር ክልል ከዎራንሶ እስከ ሚሌ ባለው የቅሪት አካል መፈለጊያ ጣቢያ ባለአካባቢ የተገኘ መሆኑን phys.org ዘግቧል፡፡

3 ነጥብ 8 ሚሊየን ዓመታትን ያስቆረው ይህ የራስ ቅሪት አካል ከ4 ነጥብ 1 ሚሊየን እስክ 3 ነጥብ 6 ሚሊየን ዓመታት ያለውን ጊዜ የሚወክል ነው ተብሏል፡፡

You might also like
Comments
Loading...