Fana: At a Speed of Life!

በአየር ንብረት ለውጥ ዙሪያ ተመድ ይፋ ያደረገው ጥናት ታዳጊ ሀገራት ይበልጥ ለጉዳዩ ትኩረት እንዲሰጡ የሚያደርግ  መሆኑ ተገለጸ

አዲስ አበባ፣ ነሃሴ 7፣ 2011 (ኤፍ.ቢ.ሲ) በአየር ንብረት ለውጥ ዙሪያ ተመድ ይፋ ያደረገው ጥናት ታዳጊ ሀገራት ይበልጥ ለጉዳዩ ትኩረት እንዲሰጡ የሚያደርግ መሆኑ ተገልጿል።

በአየር ንብረት ለውጥ ዙሪያ የተባበሩት መንግስታት ድርጅት ባለፈው ሀሙስ ይፋ ያደረገው ጥናት ታዳጊ ሀገራት ይበልጥ ለጉዳዩ ትኩረት እንዲሰጡ የሚያደርግ  መሆኑን የአካባቢ ደን እና አየር ንብረት ለውጥ ኮሚሽን ኮሚሽነር ፕሮፌሰር ፍቃዱ በየነ ገልጸዋል።

ባለፈው ሀሙስ የተባበሩት መንግስታት ድርጅት ለአለም አቀፉ ማህበረሰብ አጅግ አሳሳቢ የሆነ የጥናት ውጤት ይፋ አድርጓል።

በዚህ ጥናት ከተለዩ ግኝቶች መካከል በአለም አቀፍ ደረጃ የአየር ንብረት ለውጥ በዚህ ከቀጠለ ከ30 ዓመታት በኋላ ከባድ የምግብ አቅርቦት ይከሰታል።

ችግሩ በአንድ ጊዜ በሁሉም አህጉራት የመከሰት እድሉ ሰፊ መሆኑ የተገለጸ ሲሆን ፥ ይህም 100 ሚሊየን የሚሆኑ ዜጎችን ለከፋ የምግብ እጥረት የሚዳርግ መሆኑ ተጠቁሟል።

በአዲስ አበባ ዩኒቨርሲቲ የአየር ንብረት ለውጥ ጉዳይ ተመራማሪው እና መምህሩ ዶክተር በላይ ስማኔ ጥናቱ ሀገራት አካሄዳቸውን ቆም ብለው እንዲፈትሹ የሚያደርግ  መሆኑን ተናግረዋል።

በአየር ንብረት ለውጥ ዙሪያ በዋናነት የሚደራደረው እና የሚያስተባብረው የአካባቢ ደን እና አየር ንብረት ለውጥ ኮሚሺንስ ኮሚሽነር ፕሮፌሰር ፍቃዱ በየነ ሪፖርቱ በተለይ ወደ ኋላ እያፈገፈጉ ላሉት የተወሰኑ የበለፀጉ ሀገራት የማንቂያ ደዎል ነው ብለዋል።

ከሚሽነሩ  ኤፍ ቢ ሲ ጋር   በነበራቸው ቆይታ  ችግሮቹ በጥናት እና በአደባባይ በተገለጸ መድረክ መደገፋቸው እንጂ ኢትዮጵያ እና መሰል ሀገራት የችግሩ ገፈታ ቀማሽ ከሆኑ ሰነባብተዋል ነው ነው ያሉት።

የአዲስ አበባ ዩኒቨርሲቲ ተመራማሪው ዶክተር በላይ ስማኔ ኢትዮጵያ እና መሰል በማደግ ላይ ያሉ ሀገራት አሁንም የምግብ አቅርቦት እጥረት እያጋጠማቸው መሆኑን አንስተዋል።

ፕሮፌሰር ፍቃዱ በየነ ኢትዮጵያ ስምምነቱ በቀጣይ 2020 ጀምሮ ተግባራዊ መደረግ የሚጀምር ቢሆንም አሁን ላይ እየተገበረችው መሆኑን ጠቁመዋል ።

በሌላ በኩል ለአየር ንብረት ለውጥ መቋቋሚያ ፕሮጀክቶች የተመደበው የበለፀጉ ሀገራት ገንዘብ በተገቢው ሁኔታ እየተለቀቀ አለመሆኑን አንስተዋል።

ኮሚሽነሩ በቀጣይም ኢትዮጵያ የአየር ንብረት ለውጥን ለመቋቋም  ታዳሽ የሃይል ምንጮች ላይ ያላትን የሃይል አጠቃቀም አጠናክራ የምትቀጥል መሆኑን ገልጸዋል።

ይህንን ተግባራዊ ለማድረግም  ብሄራዊ አስተባባሪ ኮሚቴ ተቋቁሞ እየተሰራ ነው ብለዋል።

ተመራማሪው ዶክተር በላይ የአየር ንብረት ለውጥ በቀጣይ ዓመታት ከባድ የምግብ እጥረት እንዲኖር ማድረጉ የማይቀር መሆኑን በመግለፅ፥ኢትዮጵያ  ይህን ችግር ወደ ዕድል መለወጥ የምትችልበት አጋጣሚ መኖሩን ይናገራሉ።

የሀገሪቱ መሬት እና  የአየር ፀባይ ምቹ በመሆኑ ለግብርናው ዘርፍ ልዩ ትኩረት ሰጥታ ምርታማነቷን በማሳደግ በምስራቅ አፍሪካ የሚፈጠረውን የምግብ አቅርቦት እጥረት ኤክስፖርት በማድረግ ማቃለል ትችላለች ነው ያሉት።

በስላባት ማናዬ

You might also like
Comments
Loading...