Fana: At a Speed of Life!

በአንድ ጊዜ አምስት  ልጆችን በሰላም የተገላገለችው እናት

አዲስ አበባ፣ነሃሴ 20፣ 2011 (ኤፍ ቢሲ) አንዲት የ37 ዓመት ኡጋንዳዊት እናት  በአንድ ጊዜ አምስት ልጆችን በሰላም መገላገሏ ተነግሯል ።

ነዋሪነቷ በምስራቅ ኡጋንዳ  የሆነችው ሶፊያት ሙቴሲ  በአንድ ጊዜ ሶስት ሴቶች እና ሁለት ወንድ ህፃናትን በድምሩ አምስት  ልጆችን በሰላም የተገላገለች መሆኑን ዴይሊ ሞኒተር  ጋዜጣ  አስነብቧል።

እናት ሲፊያ ከዚህ በፊትም በተለያየ ጊዜ መንትያ እና ሶስት ልጆችን በአንድ ጊዜ የተገላገለች መሆኗ ተገልጿል።

ለቅድመ ምርመራ  ሀኪም ቤት በሄደችበት ወቅት መንትያ ልጆች  እንደጸነሰች  ተነግሮኝ ነበር ያለቸው ሶፊያ፥ በአንድ ጊዜ አምስት ልጆች መገላገሏ ድንጋጤ የፈጠረባት መሆኑን ተናግራለች ።

በአሁኑ ወቅትም አምስቱም ህፃናት በሙሉ  ጤንነት ላይ የሚገኙ መሆኑ ነው የተገለጸው።

ወላጅ እናት ሶፊያም በሙሉ ጤንነት ላይ የምትገኝ ሲሆን ፥ህፃናቱን እየተንከባከበች መሆኑም ተጠቁሟል።

ይሁን እንጂ የእናት ሶፊያ የኢኮኖሚ አቅም አምስቱን ህፃናት ለማሳደግ በቂ ባለመሆኑ ህፃናቱን ለማሳደግ የሚያስችል  እርዳታ እየፈለገች መሆኑ ተገልጿል።

You might also like
Comments
Loading...