Fana: At a Speed of Life!

በቻይና ለኪማ በተባለው ከባድ አውሎ ነፋስ የሟቾች ቁጥር 28 ደረሰ

አዲስ አበባ፣ ነሃሴ 5፣ 2011 (ኤፍ ቢ ሲ) በቻይና ለኪማ በተባለው ከባድ አውሎ ነፋስ ህይወታቸውን ያጡ ሰዎች ቁጥር መጨመሩ ተነገረ።

ከባድ አውሎ ነፋስ ህይወታቸውን ያጡ ሰዎች ቁጥር 28 የደረሰ ሲሆን፥ ከሞቱት በተጨማሪ የጠፉ ሰዎች ቁጥርም ከ20 መብለጡ ነው የተነገረው።

በከባድ ወጀብ የታገዘው እና ለኪማ የሚል መጠሪያ የተሰጠው አውሎ ነፋስ ባስከተለው የጎርፍ አደጋም የመሬት መንሸራተት ተከስቷል።

አውሎ ነፋሱ በሰዓት 187 ኪሎ ሜትር የሚነፍስ ሲሆን፥ በአውሎ ነፋሱ የታገዘ ጎርፍም በርካታ አካባቢዎችን አጥለቅልቋል ነው የተባለው።

በዚህ ሳቢያም ከ1 ሚሊየን በላይ ዜጎች ከአካባቢያቸው እንደለቀቁ የሃገሪቱ የሚዲያ ተቋማት ዘግበዋል።

ይህን ተከትሎም በበርካታ አካባቢዎች በመሰረተ ልማት ላይ ጉዳት የደረሰ ሲሆን፥ የሃይል አቅርቦትም ተቋርጧል።

ከዚህ ጋር ተያይዞ እስካሁን ከ1 ሺህ በላይ የአውሮፕላን በረራዎች ተቋርጠዋል።

የቻይና የአደጋ ጊዜ ሚኒስቴር በምስራቃዊ ቻይና ከባድ አውሎ ነፋስ እንደሚከሰትና ዜጎችም አካባቢያቸውን እንዲወጡ ማስጠንቀቂያ መስጠቱ ይታወሳል።

አውሎ ነፋስ “እጅግ ከባድ” ይሆናል የሚል ቅድመ ትንበያ ቢሰጥም መካከለኛ በሚባል ደረጃ ተከስቷል ነው የተባለው።

ምንጭ፦ ቢቢሲ

 

You might also like
Comments
Loading...