Fana: At a Speed of Life!

በቻን 2020 ቅድመ ማጣርያ ኢትዮጵያ ጂቡቲን በድምር ውጤጥ 5 ለ 3 በመርታት ወደ ቀጣዩ ዙር አለፈች

አዲስ አበባ፣ ሃምሌ 28፣ 2011 (ኤፍ.ቢ.ሲ) በቻን 2020 አፍሪካ ዋንጫ ቅድመ ማጣርያ ጨዋታ የኢትዮጵያ ብሄራዊ ቡድን የጂቡቲ አቻውን በድምር ውጤጥ 5ለ3 በመርታት ወደ ቀጣዩ ዙር አለፈ።

የኢትዮጵያ እና የጅቡቲ ብሔራዊ ቡድኖች በቻን 2020 ቅድመ ማጣርያ የመልስ ጨዋታ በዛሬው እለት በድሬዳዋ ስታዲየም ተደርጓል።

በዛሬው እለት የተደረገውን ጨዋታም የኢትዮጵያ ብሄራዊ ቡድን 4ለ3 በሆነ ውጤት የጂቡቲ አቻውን መርታት ችሏል።

በጨዋታው ላይም አማኑኤል ገብረ ሚካኤል፣ ያሬድ ባዬ፣ አዲስ ግደይ እና መስፍን ታፈሰ የዋሊያዎቹን የማሸነፊያ ጎሎች ከመረብ አሳርፈዋል።

ሁለቱ ቡድኖች የመጀመርያ ጨዋታቸውን ጁቡቲ ላይ ባሳለፍነው ሳምንት አከናውነው ኢትዮጵያ በአስቻለው ታመነ ከእረፍት መልስ በተገኘች የፍፁም ቅጣት ምት ጎል 1-0 በማሸነፍ መመለሷ ይታወሳል።

በዚህም መሰረት የኢትዮጵያ ብሄራዊ ቡድን በድምር ውጤጥ 5ለ3 በሆነ ውጤት የጂቡቲ አቻውን በመርታት ወደ ቀጣዩ ዙር ማለፉን አረጋግጧል።

You might also like
Comments
Loading...