Fana: At a Speed of Life!

በቡርኪናፋሶ በተፈጸመ የሽብር ጥቃት 24 የመንግስት ወታደሮች ህይወት አለፈ

አዲስ አበባ፣ ነሃሴ 14፣ 201 1(ኤፍ ቢ ሲ) በቡርኪናፋሶ ሰሜናዊ ሳኡም ግዛት በተፈፀመ የሽብር ጥቃት 24 የመንግስት ወታደሮች ህይወት አለፈ።

የሀገሪቱ መከላከያ ሚኒስቴር እንዳስታወቀው ታጣቂ ቡድኖች ሳዑም በሚገኘው ወታደራዊ ማዕከል ላይ በፈጸሙት የሽብር ጥቃት እስካሁን ቢያንስ የ24 ወታደሮች ህይወት አልፏል።

በጥቃቱ ከሞቱት በተጨማሪም 7 ወታደሮች ክፉኛ የቆሰሉ ሲሆን፥ 5 የሚሆኑት ደግሞ እስካሁን የገቡበት አልታወቅም።

ጥቃቱን የፈፀሙት ታጣቂ ቡድኖች  ከባድ የጦር መሳሪያዎችን የተጠቀሙ ሲሆን፥ በዚህም የወታደራዊ ማዕከሉን አብዛኛውን ክፍል በእሳት ማቃጠላቸው ተገልጿል።

ጥቃቱን ተከትሎም የሀገሪቱ ወታደራዊ ሃይል በአየር እና ምድር ጦር የታገዘ አፀፋዊ እርምጃ የወሰደ መሆኑ ነው የተገለጸው።

በተካሄደው አጸፋዊ እርምጃም በርካታ ታጣቂዎች የተገደሉ መሆኑ  በዘገባው ተመላክቷል።

ምንጭ ፥አልጀዚራ

You might also like
Comments
Loading...