Fana: At a Speed of Life!

በቆዳው ዘርፍ ላይ የተጣለው ቀረጥ ገበያውን እየጎዳው መሆኑ ተነገረ

አዲስ አበባ ፣ ሃምሌ 29 ፣ 2011 (ኤፍ ቢ ሲ) በቆዳው ዘርፍ ላይ የተጣለው ቀረጥ ገበያውን እየጎዳው መሆኑን የቆዳ አምራች ድርጅቶች ገለጹ።

የቆዳና ሌጦ ምርት ከእለት ወደ እለት ገበያው እየተዳከመ እና ዋጋው እየወረደ መምጣቱን በዘርፉ የተሰማሩ አካላት ይናገራሉ።

ፋና ብሮድካስቲንግ ኮርፖሬት ያነጋገራቸው የቆዳ አምራች ድርጀቶች እንደሚሉት ሁኔታው ለኪሳራ እና ባስ ሲልም ስራውን እንዲያቆሙ አስገድዷቸዋል።

የአዲስ አበባ ቄራዎች ድርጅት በበኩሉ አሁን ላይ የገበያ መቀዛቀዝ መኖሩን እና ይህም ተፅዕኖ መፍጠሩን ይገልጻል።

ከዚህ ቀደም የቆዳ ምርቱ በፍጥነት ይነሳ የነበረ ሲሆን አሁን ላይ ከተፈጠረው የገበያ መቀዛቀዝ ጋር በተያያዘ ዋጋ ቀንሶ ማንሳት አለመቻሉም ነው የተገለጸው።

የንግድና ኢንዱስትሪ ሚኒስትር ዲኤታ አቶ ተካ ገብረየሱስ ቆዳ ገበያው ላይ መቀዛቀዝ መታየቱን ጠቅሰው፥ ከዋጋ አንጻርም መውረዱን ተናግረዋል።

የሚስተዋለውን ችግር ለመፍታትም በዘርፉ ላይ በተጣለው የ50 በመቶ ቀረጥ ጨምሮ በሌሎች ጉዳዮች ላይ ከባለድርሻ አካላት ጋር ጥናት መደረጉንም አንስተዋል።

ከዚህ ባሻገርም የቆዳ ኢንዱስትሪውን ለማዘመን እና ለበርካታ ዜጎች የስራ እድል ለመፍጠር ዘመናዊ የቆዳ ኢንዱስትሪ ፓርክ ለመገንባት ዝግጅት እየተደረገ መሆኑን ለማወቅ ተችሏል።

 

 

 

በሲሳይ ጌትነት

 

 

 

 

You might also like
Comments
Loading...