Fana: At a Speed of Life!

በስኮላስቲክ አፕቲቲዩድ የፈተና ውጤት ላይ የቀረበውን ቅሬታ እያጣራሁ ነው- ኤጀንሲው

አዲስ አበባ፣ ነሃሴ 8፣ 2011 (ኤፍ.ቢ.ሲ) በስኮላስቲክ አፕቲቲዩድ የፈተና ውጤት ላይ ከተማሪዎች፣ ከወላጆች እና ከመምህራን ቅሬታ በመቅረቡ የማጣራት እርምጃ በመውሰድ ላይ እንደሚገኝ የትምህርት ምዘናና ፈተናዎች ኤጀንሲ አስታወቀ።

ኤጀንሲው በአጭር ቀናት የማስተካከያ እርምጃ በመውሰድ ውጤቱን ይፋ እንደሚያደርግ የገለፀ ሲሆን ህብረተሰቡም በትዕግስት እንዲጠባበቅ ጠይቋል።

በትናትናው ዕለት የከፍተኛ ትምህርት መግቢያ (12ኛ ክፍል) ብሄራዊ ፈተና ውጤት ይፋ መደረጉ ይታወሳል።

በዓመቱ ፈተናውን ከወሰዱ ተማሪዎች ውስጥ ከፍተኛው ውጤት 645 ሆኖ የተመዘገበ ሲሆን፥59 ተማሪዎች ደግሞ ከ600 በላይ ማምጣታቸው ተገልጿል።

በአጠቃላይ ፈተናውን ከወሰዱት ተማሪዎች ውስጥ 48 ነጥብ 59 በመቶ የሚሆኑት ከ350 በላይ ውጤት ማምጣታቸውን አስታውቋል።

የዩንቨርስቲ መግቢያ (የ12ኛ ክፍል) ፈተና ለመውሰድ ከተመዘገቡት 322 ሺህ 717 ተማሪዎች መካከል 319 ሺህ 264 የሚሆኑት ፈተናውን መውሰዳቸውን ከኢጀንሲው የተገኘው መረጃ ያመለክታል።

You might also like
Comments
Loading...