Fana: At a Speed of Life!

በሰጠው የሽንት ናሙና ውስጥ የእርግዝና ምልክት የታየው ቅርጫት ኳስ ተጫዋት ከውድድር ታግዷል

አዲስ አበባ፣ ነሃሴ 8፣ 2011 (ኤፍ.ቢ.ሲ) አሜሪካዊው የቅርጫት ኳስ ተጫዋች ዶነል ዲ.ጄ ከማንኛውም የቅርጫት ኳስ ውድድር ለሁለት ዓመታት መታገዱ ተነግሯል።

ተጫዋቹ ላይ እግዱ ሊተላለፍ የቻለው፥ ለዶፒንግ ምርመራ በሰጠው የደም ናሙና ውስጥ የእርግዝና ምልክት በመታየቱ  እንደሆነም ተነግሯል።

በዓለም አቀፉ የቅርጫት ኳስ ፌዴሬሽን አማካኝነት ከውድድር የታገደው የ28 ዓመቱ የቅርጫት ኳስ ተጫዋች በሽንቱ ውስጥ ሴቶች በእርግዝና ወቅት የሚያመነጩት ሆርሞን በብዛት መታየቱ ተነግሯል።

ይህ ሊፈጠር የቻለውም ተጫዋቹ በራሱ የሽንት ናሙና ፋንታ ነብሰ ጡር መሆኗን ያላወቀ የሴት የሽንት ናሙና በመስጠቱ እንደሆነ ነው የተነገረው።

በዚህም የሽነት ናሙና አጭበርብሯል የተባለው የቅርጫት ኳስ ተጫዋቹ ካሳለፍነው ሰኔ ወር ጀምሮ ለሁለት ዓመታት መታገዱን ነው ዓለም አቀፉ የቅርጫት ኳስ ፌዴሬሽን ያስታወቀው።

የስሎቬኒያ መገናኛ ብዙሃን ቅርጫት ኳስ ተጫዋቹ ዶነል ዲ.ጄ ነብሰ ጡር መሆናን ሳያውቁ የሴት ጓደኛውን የሽንት ናሙና ነው የሰጠው የሚል ዘገባ ይዘው ወጥተዋል።

ሆኖም ግን ዓለም አቀፉ የቅርጫት ኳስ ፌዴሬሽን በጉዳዩ ላይ ማብራሪያ ከመስጠት ተቆጥቧል።

ምንጭ፦ www.odditycentral.com

You might also like
Comments
Loading...