Fana: At a Speed of Life!

በሩሲያ ከተከሰተው የኒውክሌር ፍንዳታ ጋር ተያይዞ ህክምና የሰጡ ባለሙያዎች በቂ መከላከያ እንዳልነበራቸው ገለጹ

አዲስ አበባ፣ ነሃሴ 17፣ 2011(ኤፍ.ቢ.ሲ) በሩሲያ ከተከሰተው የኒውክሌር ፍንዳታ ጋር ተያይዞ በከፍተኛ ጨረር ለተጠቁ ሰዎች ህክምና የሰጡ የህክምና ባለሙያዎች በወቅቱ ጨረሩን መከላከያ እንዳልነበራቸው ተናገሩ።

የህክምና ባለሙያዎቹ ፍንዳታው በተከሰተበት ወቅት ለተጎጂዎች ህክምና ሲሰጡ በቂ መከላከያ እንዳልነበራቸውና ለጤናቸው እንደሚሰጉ ተናግረዋል።

ከዚህ ጋር ተያይዞም በጨረር ሳይበከሉ እንዳልቀረም ለቢቢስ መግለፃቸው ነው የተነገረው፡፡

ከሳምንት በፊት ኒዮኖክሳ በተባለው አካባቢ በተከሰተው የኒውክሌር ፍንዳታ 5 የኒውክሌር ኢንጅነሮች ሲሞቱ፥ 6 ሰዎች ላይ ደግሞ ጉዳት መድረሱ ይታወሳል፡፡

ይህን ተከትሎም ከአካባቢው በስተምስራቅ 47 ኪሎ ሜትር ርቀት ላይ በሚገኘው ሰቬሮድቪንስክ ከተማ የሬዲዮ አክቲቭ ጨረር መጠን መደበኛ ከሚባለው በ16 እጥፍ መጨመሩ ተገልጿል።

በአካባቢው ከተከሰተው ፍንዳታ ጋር ተያይዞ በጨረር ምክንያት ለጤና ችግር የተጋለጡ 90 ሰዎች ወደ ህክምና ተቋማት ማምራታቸው ተነግሯል።

ይሁን እንጅ በወቅቱ ዜጎቹ የጨረር መከላከያ እንዲጠቀሙ እና ከዚሁ አደጋ ራሳቸውን እንዲጠብቁ የጥንቃቄ መልዕክት አልተላለፈም ነው የተባለው።

የሀገሪቱ ባለስልጣናት ግን የጨረር ምጣኔ ጭማሪው ጤናን የመበከል ደረጃ ላይ እንዳልደረሰ እየተናገሩ ነው።

ምንጭ፡- ቢቢሲ

You might also like
Comments
Loading...