Fana: At a Speed of Life!

በመዲናዋ በ2012 በጀት ዓመት ለ250 ሺህ ዜጎች የስራ እድል ለመፍጠር ታቅዷል

አዲስ አበባ፣ ነሃሴ 8፣ 2011 (ኤፍ.ቢ.ሲ) በአዲስ አበባ ከተማ በ2012 በጀት ዓመት ለ250 ሺህ ዜጎች የስራ እድል ለመፍጠር መታቀዱን የከተማ አስተዳደሩ አስታወቀ፡፡
 
የከተማ አስተዳደሩ የ2012በጀት አመት የስራ እድል ፈጠራ እቅድ ጉባኤ እየተካሄደ ነው።
በዚህ ወቅት የመዲናዋ ወጣቶች ፣ሴቶችና ሌሎችም የማህበረሰብ ክፍሎች በስራ እድል ፈጠራው ተጠቃሚ እንደሚሆኑ ተጠቁሟል፡፡
 የከተማዋ ምክትል ከንቲባ ኢንጅነር ታከለ ኡማ ስር የሰደደውን ስራ አጥነት በዘላቂነት ለመቅረፍ እና ከተማዋን ለነዋሪዎቿ ምቹ እና የተረጋጋች ለማድረግ የከተማ አስተዳደሩ አዳዲስ ንድፈ ሃሳቦችን አዘጋጅቶ እየተንቀሳቀሰ ነው ብለዋል፡፡

አዲስ የስራ ዕድሎችን ከመፍጠር ጎን ለጎን በከተማዋ ተደራጅተው ስራ የጀመሩ ነባር ማይክሮ ኢንተርፕራይዞችን በዘመናዊ መንገድ መልሶ በማደራጀት ለወጣቶች ተጨማሪ የስራ ዕድል በሚፈጥሩበት ሁኔታ  እየተሰራ ይገኛል ነው ያሉት፡፡

በከተማ በ2012 በትንሹ ለ250 ሺህ ዜጎች የስራ እድል ለመፍጠር እንደታቀደ የተገለፀ ሲሆን ከ500 ሺህ በላይ ስራ አጥ ዜጎች ተነግሯል፡፡
 
ይህንን አቅድ ስኬታማ ለማድረግ የከተማ አስተዳደሩ አስፈላጊ የሆነ የተለያዩ እቅዶች እንደተዘጋጁ ተነግሯል፡፡
 
በመድረኩ ላይ በተለያዩ አለም ሀገራት የሚገኙ ከተሞች በስራ እድል ፈጠራ ያላቸው ተሞክሮ ለተሳታፊዎች ቀርቧል፡፡
 
በከተማ አስተዳደሩ እየተሰሩ የሚገኙ የተለያዩ ፕሮጀክቶችም በስራ እድል ፈጠራው የራሳቸው ሚና እንዲኖራቸው ለማድርግ ይሰራል ተብሏል፡፡
You might also like
Comments
Loading...