Fana: At a Speed of Life!

በመተከል ዞን እና በአዊ ዞን ተከስቶ የነበረው ግጭት አንጻራዊ ሰላም በመስፈኑ የተፈናቀሉ ዜጎችን ወደ ቀያቸው የመመለስ ስራ እየተከናወነ ነው

አዲስ አበባ፣ ነሃሴ 8፣ 2011 (ኤፍ.ቢ.ሲ) በመተከል ዞን እና አጎራባች በሆነው በአዊ ዞን ተከስቶ የነበረው ግጭት አንጻራዊ ሰላም በመስፈኑ የተፈናቀሉ ዜጎችን ወደ ቀያቸው የመመለስ ስራ እየተከናወነ መሆኑን የሁለቱ ዞኖች ኮማንድ ፖስት አስታወቀ።

አከባቢውን ወደ ነበረበት ሰላም ለመመለስ ከአንድ ወር በፊት የተቋቋመው ኮማንድ ፖስት የስራ አፈጻጸም ሪፖርት ግምገማ በግልገል በለስ ከተማ አካሂዷል።

ኮማንድ ፖስቱ የአካባቢውን ሰላምና ፀጥታ በማሻሻል የህግ የበላይነት እንዲረጋገጥ በማድረግ በተፈጠረው ችግር ምክንያት የተፈናቀሉ ዜጎችን መልሶ ለማቋቋም ሲሰራ መቆየቱ ተገልጿል።

በሁለቱ አጎራባች ዞኖችና ወረዳዎች ኮማንድ ፖስቱ ከመንግስት መዋቅሮች ጋር ባደረገው ሰላምን የማስፈን ስራ ግጭቶች ሙሉ በሙሉ መቆጣጠር እንደተቻለ መገለፁን ከቤኒሻንጉል ጉሙዝ ክልል መንግስት ኮሙዩኒኬሽን ጉዳዮች ጽህፈት ቤት ያገኘነው መረጃ ያመለክታል።

በግጭቶቹ የተጠረጠሩ ግለሰቦችን ወደ ህግ ከማቅረብ አንጻር በተወሰኑ ወረዳዎች ውስንነቶች እንደነበሩ የተገለፀ ሲሆን፥ በቀጣይ ግብረ ሃይሉ በዚህ ላይ ትኩረት በማድረግ መስራት እንደሚገባው የቤኒሻንጉል ጉሙዝ ክልል የሰላም ግንባታ ቢሮ ሃላፊና የኮማንድ ፖስቱ ሰብሳቢ አቶ አበራ ባየታ ገልጸዋል።

የተቋቋመው ኮማንድ ፖስት የስጋት ቀጠና ተብለው የተለዩ ቦታዎችን በቀጣይ ከአፍራሽ ሀይል ነጻ በማድረግ ሰላምን በማስፈን የተፈናቀሉ ዜጎች እንደሚመለሱ አቶ አበራ ተናግረዋል።

You might also like
Comments
Loading...