Fana: At a Speed of Life!

በመላ አፍሪካ ጨዋታዎች በግማሽ ማራቶን የሴቶች ምድብ ኢትዮጵያውያን አትሌቶች ከ1 እስከ 3 በመግባት ተከታትለው በመግባት አሸንፈዋል

አዲስ አበባ ፣ ነሃሴ 24፣ 2011 (ኤፍ.ቢ.ሲ) ኢትዮጵያ በመላ አፍሪካ ጨዋታዎች ተጨማሪ ሜዳሊያዎችን አገኘች።

ዛሬ በተካሄደው የግማሽ ማራቶን ውድድር በሴቶች ምድብ ኢትዮጵያውያን አትሌቶች ከ1 እስከ 3 በመግባት ተከታትለው በመግባት በበላይነት አጠናቀዋል።

በዚህም አትሌት ያለምዘር የኋላ 1፡10፡26 ሰዓት 1ኛ፣ አትሌት ደጊቱ አዝመራው 1፡10፡31 ሰዓት 2ኛ እንዲሁም አትሌት መሰረት በለጠ 1፡12፡08 ሰዓት 3ኛ በመሆን አጠናቀዋል።

በመላው አፍሪካ ጨዋታዎች ኢትዮጵያ እስካሁን በሁሉም የስፖርት አይነቶች ከአፍሪካ 9ኛ ደረጃ ላይ ትገኛለች።

6 የወርቅ፣ 5 የብር እና 11 የነሃስ በአጠቃላይ 22 ሜዳሊያዎችን በውድድሩ አግኝታለች።

ከዚህ ውስጥ 17ቱ በአትሌቲክሱ ዘርፍ የተገኘ ሲሆን፥ በዚህ ውድድር 2ኛ ደረጃን ትይዛለች።

በአትሌቲክሱ 5 የወርቅ፣ 5 የብር እና 7 የነሃስ በአጠቃላይ 17 ሜዳሊያዎችን ማግኘት ችላለች።

ተጨማሪ መረጃ ከኢትዮጵያ አትሌቲክስ ፌዴሬሽን

You might also like
Comments
Loading...