Fana: At a Speed of Life!

ባለስልጣኑ በምስራቅ አዲስ አበባ በሚገኙ የጋራ መኖሪያ ቤቶች የተፈጠረውን የውሃ አቅርቦት ችግር ለመፍታት ጥረት እየተደረገ መሆኑን አስታወቀ

አዲስ አበባ፣ ነሃሴ 14፣ 201 1(ኤፍ ቢ ሲ) በለገዳዲ የጥልቅ ውሃ ጉድጓድ በተከሰተ የኤሌክትሪክ ሃይል መቋረጥ ከነሔሴ 11ቀን 2011ዓ.ም ጀምሮ በምስራቅ አዲስ አበባ የውሃ አገልግሎት መቋረጡን የአዲሰ አበባ ውሃና ፍሳሽ ባለስልጣን አስታወቀ።

የባለስልጣኑ የኮሙዩኒኬሽን ዳይሬክተር ወይዘሮ ሰርካለም ጌታቸው ለኤፍቢሲ እንደገለፁት ፥በጥልቅ የውሀ ጉድጓዱ በተከሰተ የሃይል መቋረጥ በየካ  አባዶ፣ በየካ አያት፣ በየካ ጣፎ፣ በቦሌ ሃያትና በቦሌ አራብሳ በሚገኙ የግልና የጋራ መኖሪያ ቤቶች የውሃ አገልግሎቱን ማድረስ አልተቻለም።

ላለፉት 4 ቀናት የዘለቀውን የሃይል መቋረጥ ችግር ለመፍታትም የኢትዮጵያ ኤሌክትሪክ አገልግሎት ባለሙያዎችና አመራሮች በቅንጅት እየሰሩ መሆኑን የገለጹት ዳይሬክተሯ፥ ችግሩ እንደተፈታ ውሃ ወደ ማሰራጨት ስራ ይገባል ብለዋል።

የሃይል መቋረጡ በዛሬው ዕለት ይስተካከላል ተብሎ የሚጠበቅ ቢሆንም፥በተለይ 4ተኛና 5ተኛ ወለል ላይ ለሚገኙ የጋራ መኖሪያ ቤቶች ውሃ ለማዳረስ ቀናትን ሊፈጅ የሚችል በመሆኑ ነዋሪዎች በትዕግስት እንዲጠባበቁ አሳስበዋል።

በሰብለወርቅ ኤሊያስ

You might also like
Comments
Loading...