Fana: At a Speed of Life!

በለገሰው ደም የ2 ነጥብ 4 ሚሊየን ህፃናትን ህይወት የታደገው አውስትራሊያዊ

አዲስ አበባ፣ ነሃሴ 8፣ 2011 (ኤፍ.ቢ.ሲ) ጀምስ ሀሪሰን የተባለው አውስትራሊያዊ ግለሰብ እስካሁን በለገሰው ደም የበርካታ ህጻናትን ሀይወት መታደጉ ተነግሯል።

ግለሰቡ ላለፉት 60 ዓመታት ያለማቋረጥ በለገሰው ደምም የ2 ነጥብ 4 ሚሊየን አውስትራሊያ ህፃናትን ህይወት መታደግ መቻሉ ነው የተነገረው።

“ባለወርቃማው ክንድ” በመባል የሚታወቀው አውስትራሊያዊው ግለሰብ በደሙ ውስጥ ለየት ያለ በሽታ ተከላካይ አንቲ ቦዲ ያለ ሲሆን፥ ይህም “አንቲ ዲ” የተባለ ክትባትን ለመስራት እንደሚረዳ እና ክትባቱም “ሬህሰስ” የተባለ በሽታን ለመከላከል የሚረዳ ነው።

የብሪታኒያ በህራዊ የጤና አገልግሎት ተቋም እንዳስታወቀው “ሬህሰስ” በሽታ በነብሰጡር እናቶች ደም ውስጥ ያለው አንቲቦዲ የልጆቻቸውን የደም ሴል በሚያጠፋበት ጊዜ የሚከሰት ነው።

ይህ በሽታ የህጻናቱን አእምሮ ከጥቅም ውጪ ከማድረግ ጀምሮ እስከ ሞት ሊያደርስ እንደሚችልም ነው የተነገረው።

ይህንን የሚከላከል ክትባት ለመስራትም ዶክተሮች ከሀሪሰን ደም ውስጥ ፕላዝማ የተባለውን ከወሰዱ በኋላ ቀይ የደም ሴሎችን የሚመልሱለት ሲሆን፥ በዚህ መልኩም ለበርካታ ጊዜያት መለገስ አንደቻለ ነው የተነገረው።

በአውስትራሊያ ቀይ መስቀል የደም ባንክ አገልግሎት ባለሙያ ኬማ ጄማ ፋልከንማይር፥ እያንዳንዱ የሚለገስ ደም ጠቀሜታ አለው ነገር ግን የጀምር ሀሪሰን ደም በጣም የተለየ ነው ብለዋል።

የጀምስ ሀሪሰን ደም ህይወት አድን መድሃኒት ለመስራት ነው የሚያገለግለው፤ መድሃኒቱም ለእናቶች የሚሰጥ ሲሆን፥ ይህም ባልተወለዱ ልጆቻቸው ላይ የሚያደርሰውን ከፍተኛ ጉዳት የሚያስቀር እንደሚያስቀርም ተናግረዋል።

በአውስትራሊያ የሚሰሩ እያንዳንዱ አንቲ ዲ ክትባቶች ከጀመስ ደም ነው የሚሰሩት ያሉ ሲሆን፥ 17 በመቶ አውስትራሊያውያን እናቶችም ለዚህ ቭግር የተጋለጡ መሆናቸው ተነግሯል።

ምንጭ፦ www.ndtv.com

You might also like
Comments
Loading...