Fana: At a Speed of Life!

በህንድ በጎርፍ እና የመሬት መንሸራተት አደጋ 147 ሰዎች ሞቱ

አዲስ አበባ ፣ ነሃሴ 6 ፣ 2011 (ኤፍ ቢ ሲ) በህንድ ከባድ ዝናብ ባስከተለው የጎርፍ እና የመሬት መንሸራተት አደጋ እስካሁን 147 ሰዎች መሞታቸው ተነገረ።

ካርናታካ፣ ኬራላ እና ማሃራሽትራ ግዛቶች የተከሰተው አደጋ በመቶ ሺዎች የሚቆጠሩ ዜጎችን አፈናቅሏል።

አደጋው በደረሰበት ስፍራም የአደጋ ጊዜ ሰራተኞች የነብስ አድን ስራ እየሰሩ ይገኛል።

በአሳም፣ ቢሃር እና ጉጅራት ግዛቶችም የጎርፍ አደጋው በመሰረተ ልማት ላይ ከባድ ጉዳት አድርሷል ነው የተባለው።

በአደጋው ሳቢያ የባቡር ትራንስፖርት የተቋረጠ ሲሆን፥ በቀጣይ ቀናቶች ይጥላል ተብሎ የሚጠበቀው ዝናብ የጉዳት መጠኑን ከፍ እንዳያደርገው ተሰግቷል።

በህንድና አካባቢው በሚገኙ ሃገራት እስከ መስከረም ወር በሚዘልቀው የዝናብ ወቅት የጎርፍ አደጋ የተለመደ ነው።

 

ምንጭ፦ አልጀዚራ

 

You might also like
Comments
Loading...