Fana: At a Speed of Life!

ሁዋዌ በቀጣይ በሚያመርታቸው ስልኮቹ ላይ የጎግል መተግበሪያዎች ላይኖሩ ይችላሉ

አዲስ አበባ፣ነሃሴ 24፣2011 (ኤፍ ቢ ሲ) ሁዋዌ በቀጣይ የሚያመርታቸው ዘመናዊ ስልኮች ላይ የጎግል መተግበሪያዎች ላይኖሩ እንደሚችሉ ተገልጿል።

የጎግል ኩባንያ እንዳስታወቀው ሁዋዌ በቀጣይነት በሚያመርታቸው ዘመናዊ ስልኮች ላይ የጎግል መተግበሪያዎች አይጫኑም።

ድርጅቱ ይህን ያደረገው የአሜሪካ መንግስት በሁዋዌ ላይ የጣለውን ማዕቀብ ተከትሎ ለኩባንያው የመተግበሪያዎችን ፍቃድ መስጠት ባለመቻሉ ነው ተብሏል።

ስለሆነም ከዚህ በኋላ በግዙፉ የቻይና ቴሌኮም ኩባንያ በሚመረቱ ስልኮች ላይ ዩ ቲዩብ እና ካርታን ጨምሮ ሌሎች የጎግል መተግበሪያዎች የማይኖሩ መሆኑ ነው የተገለጸው።

ከዚህ ባለፈም በቀጣይ የሁዋዌ ስልኮች ላይ ብዙ መተግበሪያዎችን በአንድ ላይ ለማግኘት የሚያስችለው “ጎግል ፕሌይ መደብር” የማይኖር መሆኑ ተጠቁሟል።

ሁዋዌ በበኩሉ አሜሪካ የምትፈቅድ ከሆነ የአንድሮይድ ስርዓትን መጠቀም የሚቀጥል መሆኑን አስታውቋል።

ከአሜሪካ ጋር ስምምነት ላይ መድረስ የማይቻል ከሆነም ኩባንያው የራሱን የመተግበሪያ ስርዓትና ምህዳር የሚያበለፅግ መሆኑ ተመላክቷል።

የጎግል መተግበሪያዎች በሁዋዌ ቀጣይ ዘመናዊ ስልኮች ላይ አለመኖርም የኩባንያውን የገበያ ተደራሽነት ሊጎዳው እንደሚችል ተጠቁሟል።
ምንጭ ፦ቢቢሲ

You might also like
Comments
Loading...