Fana: At a Speed of Life!

ሲም ካርድን ይተካል የተባለው ኢ ሲም ምንድን ነው…?

አዲስ አበባ ፣ ነሐሴ1 ፣ 2011 (ኤፍ.ቢ.ሲ) አዲስ ሞባይል ስልክ ስንገዛ በገዛነው ስልክ እንደ የድምጽ ጥሪ፣ የጽሁፍ መልእክት እና የኢንተርኔት አገልግሎትን ለማግኘት ሲም ካርድ ማስገባት የግድ ነው።

በተለምዶ ከዚህ ቀደም ገበያ ላይ የዋሉ ሞባይል ስልኮችም ይሁኑ በአሁኑ ጊዜ ገበያውን የተቆጣጠሩት ስማርት ስልኮች መደበኛ የሲም ካርድ ማስገቢያ ስፍራ አላቸው።

እንደ ኦ.ኢ.ኤም፣ አፕል እና ጎግል ያሉ የስማርት ስልክ አምራቾች ደግሞ በአዳዲስ ምርቶቻቸው ላይ ኢ ሲም ማካተት መጀመራቸው ተሰምቷል።

“ኢ ሲም ምንድን ነው”..? ካላችሁ ኢ ሲም ልክ እንደ መደበኛው ሲም ካርድ በስማርት ስልካችን ሁሉንም አገልግሎት ማግኘት የሚያስችለን ነው።

ነገር ግን ኢ ሲም በጠቅታ በስልኩ ሰርኪዩት ቦርድ ላይ የሚገጠም እንጂ እንደ ከዚህ በፊቱ አይነት ማስገቢያ የሚፈልግ እንዳልሆነ ተነግሯል።

ኢ ሲምን አጠቃቀምም አሁን ጥቅም ላይ እየዋለ ካለው ሲም ካርድ ጋር ሲነጻጸር ቀላል እንደሆነም ነው የተነገረው።

እንዲሁም ኢ ሲም አንድ ጊዜ የስማርት ስልኩ ሰርኪዩት ቦርድ ላይ ከተገጠመ በኋላ ደህንነቱ የተጠበቀ አስተማማኝ እንደሚሆንም ነው የተጠቆመው።

ከዚህ በተጨማሪም ኢ ሲም የስማርት ስልክ አምራቾች በጣም ጠፍጣፋ ስልክ ለማምረት የሚያደርጉትን ጥረት የሚያግዝ እንደሆነም ነው የተገለፀው።

በአሁኑ ወቅትም አንድ አንድ የስማርት ስልክ አምራቾች በስልኮቻቸው ላይ ከመደበኛው ሲም ካርድ በተጨማሪ ኢ ሲምን እንደ አማራጭ እያቀረቡ እንደሆነም ተነግሯል።

አሁን በገበያ ላይ የዋሉ እና ኢ ሲምን የሚቀበሉ ስማርት ስልኮችም  ጎግል ፒክስል 2፣ ጎግል ፒክስል 2 XL፣ ጎግል ፒክስል 3፣ ጎግል ፒክስል 3 XL፣ ጎግል ፒክስል 3a፣ ጎግል ፒክስል 3a XL፣ አይፎን XS፣ አይፎን XS Max፣ አይፎን XR፣ አይፓድ ፕሮ እና ኳልኮም ስናፕድራጎን 850 ፕሮሰሰር የሚጠቀሙ ዊንዶውስ 10 ኮምፒውተሮች ይገኙበታል።

ምንጭ፦ www.techworm.net

You might also like
Comments
Loading...