Fana: At a Speed of Life!

ሰራተኞችን በህይወት ያለ አሳ በማብላት እና የዶሮ ደም በማጠጣት የሚቀጣው ኩባንያ

አዲስ አበባ፣ ነሃሴ 10፣ 2011 (ኤፍ ቢ ሲ) ሰራተኞችን በህይወት ያሉ አሳዎችን እንዲበሉ እና የዶሮ ጫጩት ደም እንዲጠጡ በማድረግ የሚቀጣው ኩባንያ ጉዳይ አነጋጋሪ ሆኗል።

የተለያዩ ድርጅቶች የሚቀጥሯቸው ሰራተኞች የተጣለባቸውን ሃላፊነት እንዲወጡ የሚያስችሉ የተለያዩ ዜዴዎችን ይጠቀማሉ።

ከዚህ ውስጥም ሰራተኞች በተመደቡበት የስራ መስክ በተወሰነ ጊዜና ወቅት ሊያሳኳቸው የሚችሉ ግቦችን እንዲያቅዱ ማድረግ አንደኛው ነው።

ሰራተኞች የሚጠበቀባቸውን ሃላፊነት ባቀዱት ልክ የማያከናውኑ ከሆነም እድገት ከመከልከል ጀምሮ የተለያዩ እርምጃዎችን ይወስዳሉ።

ከወደ ቻይና አንድ ድርጅት ሰራተኞች የሚጠበቅባቸውን ግብ ባለማሳካታቸው ምክንያት የወሰደው እርምጃ ግን አነጋጋሪ ሆኗል።

በቻይና ጉዋይዦ ግዛት የሚገኝ አንድ የግንባታ መሳሪያዎች መሸጫ ኩባንያ ሰራተኞች የሚጠበቅባቸውን ግብ ባለማሳካታቸው ምክንያት በህይወት ያሉ አሳዎችን እንዲበሉ እና የዶሮ ጫጩት ደም እንዲጠጡ አድርጓል።

ከዚህ ጋር ተያይዞ የተሰጣቸውን ሃላፊነት በአግባቡ አልተወጡም የተባሉ የኩባንያው ሰራተኞች በሃምሌ ወር መጨረሻ ቅጣቱን ተቀብለዋል ነው የተባለው።

በዚህ ሂደትም 20 የሚሆኑ ሰራተኞች ቅጣቱን ተቀብለው መፈጸማቸው ታውቋል።

የኩባንያውን ቅጣት የሚያሳይ ተንቀሳቃሽ ምስል በማህበራዊ ትስስር ገጾች ላይ መለቀቁን ተከትሎም መነጋገሪያ ሆኗል።

ምንጭ፡- ኦዲቲ ሴንትራል

You might also like
Comments
Loading...