Fana: At a Speed of Life!

ሩሲያ የጭነት መንኮራኩር ወደ ዓለም አቀፉ የጠፈር ጣቢያ አመጠቀች

አዲስ አበባ፣ ሃምሌ 26፣ 2011 (ኤፍ ቢሲ) ሩሲያ በትናንትናው ዕለት የጭነት መንኮራኩር ወደ ዓለም አቀፉ የጠፈር ጣቢያ ማምጠቋን አስታውቃለች።

የሩሲያ የህዋ ምርምር ኤጀንሲ እንዳስታወቀው ኤም ኤስ-12 የተሰኘችው የጭነት መንኮራኩር በተሳካ ሁኔታ በታሰበላት ምህዋር ላይ አርፋለች።

የጭነት መንኮራኩሯ በዓለም አቀፉ የጠፈር ጣቢያ ላይ ምርምር እያደረጉ ለሚገኙ ተመራማሪዎች የተለያዩ ግብዓቶችን የምታደርስ ይሆናል።

በዚህ መሰረት መንኮራኩሯ 1 ነጥብ 2 ቶን ደረቅ ጭነት፣ 420 ሊትር ውሃ እንዲሁም 50 ኪሎ ግራም የታመቀ ጋዝ መጫኗ ተገልጿል።

ከዚህ ባለፈም ለተመራማሪዎች የሚሆኑ ምግብ፣ አልባሳት፣ መድሃኒቶች እና የንፅህና መጠበቂያ ቁሳቁሶችንም ይዛለች።

ምንጭ ፦ አናዶሉ

You might also like
Comments
Loading...