Fana: At a Speed of Life!

ሩሲያ የጀመረችውን አዳዲስ የጦር መሳሪያ የማምረት ሂደት አጠናክራ እንደምትቀጥል ገለፀች

አዲስ አበባ፣ነሃሴ 7፣2011 (ኤፍ ቢ ሲ) ሩሲያ የጀመረችውን አዳዲስ የጦር መሳሪያ የማምረት ሂደት አጠናክራ የምትቀጥል አስታውቃለች።

ባሳለፍነው ሳምንት አምስት የሚሆኑ የሩሲያ ኒውክሌር ተመራማሪዎች የጦር መሳሪያ ሙከራ ላይ ባጋጠመ ፍንዳታ ህይወታቸው ማለፉ ይታወሳል።

ይህን ተከትሎም የሩሲያ ኒውክሌር ኤጀንሲ በትናንትናው ዕለት ለአምስቱ ተመራማሪዎች በሳሮቭ ከተማ  የሀዘን መግለጫና የመታሰቢያ ስነ ስርዓት አካሂዷል።

የኤጂንሲው ዳይሬክተር አሌክሲ ሊካቼቭ  በፕሮግራሙ ላይ ባደረጉት ንግግር፥ በተፈጠረው ድንገተኛ አደጋ ህይወታቸው ያለፉት አምስቱ ተመራማሪዎች የሀገር ኩራት የነበሩ መሆኑን ተናግረዋል።

ከዚህ ባለፈም ተመራማሪዎቹ ለሀገሪቱ ኒውክሌር ዘርፍ ከፍተኛ አስተዋፅኦ ያበረከቱ መሆኑን አውስተዋል።

ተመራማሪዎቹ የጀመሩትን ዓላማ ከግብ ለማድረስ ሩሲያ የጀመረችውን ዘመኑን የዋጁ አዳዲስ የጦር መሳሪያዎችን የማምረት ሂደት አጠናክራ የምትቀጥል መሆኑን አስታውቀዋል።

ምንጭ ፦ www.presstv.com

You might also like
Comments
Loading...