Fana: At a Speed of Life!

ሩሲያ በአርክቲክ ላይ ተንሳፋፊ የሃይል ማመንጫ ይፋ አደረገች

አዲስ አበባ፣ ነሃሴ 17፣ 2011 (ኤፍ.ቢ.ሲ ) ሩሲያ በአርክቲክ ላይ ተንሳፋፊ የኒውክሌር ሃይል ማመንጫ ይፋ አደረገች፡፡

ተንሳፋፊ የሃይል ማመንጫዋ ከአርክቲክ መርማንስክ ወደብ ወደ ቹኮትካ አካባቢ 500 ኪሎ ሜትር ትቀዝፋለች።

በዚህም ራቅ ወዳሉና የሃይል አቅርቦት ባልተዳረሰባቸው ስፍራዎች በመድረስ ሃይል ታቀርባለች ነው የተባለው።

በተለይም ታዋቂ በሆነው የቹዋን ቢልቢን ወርቅ ማዕድን ማውጫ ስፍራ ሃይል ታቀርባለችም ተብሏል።

ይሁን እንጅ በዓለም አቀፍ የውሃ አካላት ደህንነት ላይ የሚሰራው “ግሪን ፒስ” የተባለው ድርጅት ፕሮጀክቱ ለውሃ አካላት አደገኛ ነው በሚል ትችት እያቀረበ እንደሚገኝ ተገልጿል፡፡

ሩሲያ ፕሮጀክቱን ይፋ ያደረገችው በአርክቲክ የኒውክሌር ሃይል ሞተር ፈንድቶ 5 የኒውክሌር ኢንጅነሮች ከሞቱ ከሁለት ሳምንታት በኋላ መሆኑን ዘገባው አስታወሷል፡፡

ምንጭ፡- ቢ ቢ ሲ

You might also like
Comments
Loading...