Fana: At a Speed of Life!

መንግስታዊ ያልሆኑ የህክምና ተቋማት የልብ ህክምና እንዲሰጡ ድጋፍ እየተደረገላቸው ነው- ዶ/ር አሚር አማን

አዲስ አበባ፣ ሃምሌ 30፣ 2011 (ኤፍ.ቢ.ሲ) መንግስታዊ ያልሆኑ የህክምና ተቋማት የልብ ህክምና እንዲሰጡ ድጋፍ እየተደረገላቸው መሆኑን የጤና ሚኒስትሩ ዶክተር አሚር አማን ተናገሩ።

ሚኒስትሩ ለፋና ብሮድካስቲንግ ኮርፖሬት እንደተናገሩት፥ ተቋማቱ በዓመት እስከ 750 ለሚደርሱ የልብ ህመምተኞች ህክምና መስጠት እንደሚችሉ ገልጸዋል ብለዋል።

የልብ ህመምተኞች በመንግስትም ህክምና በስፋት እንዲያገኙ ለማድረግ በጥቁር አንበሳ፣ በመቀሌ እንዲሁም በሀዋሳ ከተማ የልብ ህክምና ማእከላትን በማቋቋም በጀት ተመድቦ እየተሰራ መሆኑን ሚኒስትሩ ተናግረዋል።

የልብ ሀክምና አገልግሎትን ለማስፋት ከሚሰሩት ስራዎች ውስጥ ተጨማሪ ማእከላትን መገንባት መሆኑን ያነሱት ሚኒስትሩ፥ ከ2 ወር በፊት በጥቁር አንበሳ ስፔሻላይዝድ ሆስፒታል ግንባታው የተጀመረው ማእከልም አሁን ላይ 15 በመቶ ላይ መድረሱን አሳውቀዋል።

ከኔዘርላንድ መንግስት ጋር በ50 ሚሊየን ዩሮ እየተገነባ የሚገኘው የልብ ማእከሉም በ2 ዓመት ውስጥ እንደሚጠናቀቅ ሚኒስትሩ ዶክተር አሚር ተናግረዋል።

በዙፋን ካሳሁን

You might also like
Comments
Loading...