Fana: At a Speed of Life!

ሊዮኔል ሜሲ ለሶስት ወራት ታገደ

አዲስ አበባ ፣ ሃምሌ 27 ፣ 2011 (ኤፍ ቢ ሲ) ሊዮኔል ሜሲ የሶስት ወራት እግድ ተላለፈበት።

አርጀንቲናዊው አጥቂ በደቡብ አሜሪካ እግር ኳስ ማህበር አርጀንቲናን ወክሎ እንዳይጫወት እገዳ ተጥሎበታል።

እገዳው በብራዚል አስተናጋጅነት በተካሄደው የደቡብ አሜሪካ እግር ኳስ ውድድር (ኮፓ አሜሪካ) ላይ ባሳየው ያልተገባ ባህሪ ምክንያት ነው የተጣለበት ተብሏል።

ሜሲ በውድድሩ ሃገሩ ከቺሊ ጋር ባደረገችው የደረጃ ጨዋታ በኋላ የደቡብ አሜሪካ እግር ኳስ ማህበርን “ብልሹ” በሚል ቃል ገልጾታል ነው የተባለው።

ከዚህ ባለፈም ውድድሩ “ለብራዚል በተመቸ መልኩ የተዘጋጀ” የሚል ይዘት ያለው ንግግር ተናግሯል በሚል ከማህበሩ የአንድ ጨዋታ እገዳ ተጥሎበት ነበር።

ይሁን እንጅ ማህበሩ በጉዳዩ ላይ ተጨማሪ ማጣራት ካደረገ በኋላ ለሶስት ወራት ሃገሩን እንዳይወክል እገዳ ጥሎበታል።

ከዚህ ባለፈም ሜሲ የ41 ሺህ ፓውንድ የገንዘብ ቅጣትም ተጥሎበታል።

እንደ ደይሊ ሜይል ዘገባ ማህበሩ የሜሲን ድርጊት ያልተገባና ተቀባይነት የሌለው ነው ሲልም ገልጾታል።

ሜሲ በደረጃ ጨዋታው ከቺሊው ጋሪ ሜደል ጋር በፈጠረው ፀብ ምክንያት በቀይ ካርድ ከሜዳ መሰናበቱ ይታወሳል።

 

 

You might also like
Comments
Loading...