Fana: At a Speed of Life!

ለቀናት በተቃዋሚ ሰልፈኞች ምክንያት ተዘግቶ የነበረው ስራ ብዙው የሆንግ ኮንግ አውሮፕላን ማረፊያ ወደ መደበኛ እንቅስቃሴው ገባ 

አዲስ አበባ፣ ነሃሴ 8፣ 2011 (ኤፍ.ቢ.ሲ) ለሁለት ቀናት ለሰልፈኞች የትእይነት ህዝብ ማከነወኛ ሆኖ የቆየው የሆንክ ኮንግ አውሮፕላን ማረፊያ በድጋሚ ለአገልግሎት ክፍት ሆነ።

በሆንግ ኮንግ በግዛቲቱ ላይ የቻይና ጣልቃ ገብነት አለ እና ፖሊስ በሰልፈኞች ላይ የሀይል እርምጃ እየወሰደ ነው በሚል ለሳምንታት የዘለቀ የተቃውሞ ሰልፍ እየተካሄደ ነው።

ሰኞ እና ማክሰኞ እለትም በዓለም ስራ ብዙ ከሆኑት የአውሮፕላን ማረፊያዎች መካከል አንዱ የሆነው የሆንግ ኮንግ አውሮፕላን ማረፊያ የተቃውሞ ሰልፉ ማካሄጃ ስፍራ ሆኖ ቆይቷል።

በዚህም ምክንያት የአውሮፕላን ማረፊያው መደበኛ አገልግሎት የተቋረጡ ሲሆን፥ በርካቶችም  መንገደኞች ለእንግልት ተዳርገዋል።

ፖሊስ ትናንት ምሽት ሰልፈኞችን ከስፍራው ጠርጎ በማውጣት አውሮፕላን ማረፊያውን ወደ መደበኛ አገልግሎቱ ዛሬ ጠዋት ላይ መልሶታል።

መሰል ነገር እንዳይከሰትም ፖሊስ በሰልፈኞች ላይ እርምጃ ለመውሰድ የፍርድ ቤት ትእዛዝ ወረቀት ማግኘቱም ተመልክቷል።

ይህም ሁኔታ ሰልፈኞቹን እንደገና ለተቃውሞ ሊያስወጣቸው እንደሚችል የሚገምቱ ወገኖች ሰልፉ ሊቀጥል እንደሚችል ነው የሚናገሩት።

የቻይና ራስ ገዝ አካል የሆነችው ሆንግ ኮንግ ለ10 ተከታታይ ሳምንታት ተቃውሞ እያስተናገደች ትገኛለች።

ይህንንም ተከትሎ ቤጂንግ ሰልፉ እንዲቆም እያሳሰበች ሲሆን፥ ወታደሮችንም ወደ ግዛቲቱ ወሰን ቀረብ አድርጋ ማስፈሯ ነው የሚነገረው።

 

ምንጭ፦ አልጀዚራ

You might also like
Comments
Loading...