Fana: At a Speed of Life!

ለመንግስት ትምህርት ቤት ተማሪዎች እየተሰፋ ያለው የደንብ ልብስ በያዝነው ወር መጨረሻ ይሰራጫል

አዲስ አበባ ፣ ነሃሴ 6 ፣ 2011 (ኤፍ ቢ ሲ) የአዲስ አበባ ከተማ አስተዳደር ለመንግስት ትምህርት ቤት ተማሪዎች እያሰፋ ያለው የደንብ ልብስ በያዝነው ወር መጨረሻ ይሰራጫል።

የከተማ አስተዳደሩ ምክትል ከንቲባ ኢንጂነር ታከለ ኡማ የከተማ አስተዳደሩ ለመንግስት ትምህርት ቤት ተማሪዎች ለመጭው የትምህርት ዘመን እያዘጋጀ ያለውን አዲስ የደንብ ልብስ በልብስ ስፌት ፋብሪካዎች በመገኘት ተመልክተዋል።

የደንብ ልብሶቹ ስፌት እስከ ነሐሴ 25 ቀን 2011 ዓ.ም ድረስ ተጠናቆ ለተማሪዎች እንደሚከፋፈል ከከንቲባ ፅህፈት ቤት ያገኘነው መረጃ ያመላክታል።

የከተማ አስተዳደሩ በመጭው ዓመት የደንብ ልብስን ጨምሮ ሌሎች የትምህርት ቁሳቁሶችን በነፃ ለመንግስት ትምህርት ቤት ተማሪዎች ለማቅረብ እየሰራ ነው።

የደንብ ልብሱ በአዲስ መልክ ዲዛይኑ ተሰርቶ በዝግጅት ላይ ይገኛል።

ለቀጣዩ የትምህርት ዘመን 7 ነጥብ 2 ሚሊየን ደብተር፣ ለ600 ሺህ የተማሪዎች የደንብ ልብስ በነፃ ማቅረብ እና ለ300 ሺህ ህፃናትም ምገባ ፕሮግራም ለማስጀመር ዝግጅት አድርጓል።

You might also like
Comments
Loading...