Fana: At a Speed of Life!

ለህፃናት ከመጠን በላይ የቤት ስራ መስጠት ለጭንቀት እያጋለጣቸው ነው -ጥናት

አዲስ አበባ፣ ነሃሴ 23፣ 2011 (ኤፍ.ቢ.ሲ) ለህፃናት በባለሙያዎች ከሚፈቀደው የቤት ስራ መጠን በላይ መስጠት ለጭንቀት እና ለሌሎች የጤና ችግሮች እያጋለጣቸው እንደሚገኝ አንድ ጥናት አመለከተ፡፡

ይህ ጥናት በአሜሪካ የተካሄደ ሲሆን ከትምህርት በኋላ የሚሰጣቸው የቤት ስራ ከ10 ደቂቃ በላይ መሆን እንደሌለበት ነው ባለሙያዎች ያስቀመጡት፡፡

ባለሙያዎች እንደሚናገሩት የሁለተኛ ደረጃ ትምህርት ቤት ተማሪዎች ከትምህርት በኋላ ሁለት ሰዓት ማጥናት ይችላሉ፡፡

ነግር ግን በጥናቱ ለአንደኛና ሁለተኛ ክፍል ከተቀመጠው መስፈርት በላይ በቀን ውስጥ 28ና 29 ደቂቃ የሚፈጅ የቤት ስራ በምሽቱ እንዲሰሩ ይደረጋል ተብሏል፡፡

እንዲሁም የቅድመ መደበኛ ትምህርት ተማሪዎች የቤት ስራ እንዳይሰጣቸው የአሜሪካ መመሪያ የሚያዝ ቢሆንም የ25 ደቂቃ የቤት ስራ እንደሚሰጣቸው ተነግሯል፡፡

ከተቀመጠው መጠን በላይ ማጥናት በሚያስመዘግቡት ውጤት ላይ ከሚያሳድረው ተፅዕኖ በተጨማሪ በራስ መተማመናቸው፣ ማህበራዊ ክህሎት እና በህይወታቸው ላይ ጉዳቶችን ያስከትላል ነው የተባለው፡፡

 

ከተቀመጠው መስፈርት በላይ የቤት ስራ መስጠት በተለይ የተወሰነ የትምህርት ደረጃ ባላቸው ቤተሰቦች ከትምህርት ቤቱ ጋር ወላጆች  ስልጉዳዩ እንዳይወያዩ እያዳረገ መሆኑ ተጠቁሟል፡፡

በፈረንጆቹ 2016 ወላጆች ልጆቻቸው የቤት ስራ እንዳይሰሩ ትዕዛዝ ማስተላለፋቸውንም ዋሽንግተን ፖስት መዘገቡ ተጠቁሟል፡፡

ለህፃናት ተማሪዎች የቤት ስራ እንዳይሰጥ የሚያደርግ ፓሊሲ ጠዋት እንዲሁም ቀኑን ከጭንቀት ነፃ እንዲሆኑ እንዳስቻለ የተገለፀ ሲሆን ከትምህርት በኋላ በተለያዩ ጉዳዩ የነቃ ተሳትፎ እንዲራቸው ያደርጋል ተብሏል፡፡

በተመሳሳይ በሁለተኛ ደረጃ ትምህርት ቤትም ከመጠን በላይ የቤት ስራ መስጠት የተለመደ መሆኑ እና ይህም ጤናቸው ላይ ተፅዕኖ እያሳደረ እንደሚገኝ ተሰምቷል፡፡

ምንጭ፡- www.healthline.com

You might also like
Comments
Loading...