Fana: At a Speed of Life!

ሃሪ ማጓየር ማንቼስተር ዩናይትድን በይፋ ተቀላቀለ

አዲስ አበባ ፣ ሃምሌ 29 ፣ 2011 (ኤፍ ቢ ሲ) እንግሊዛዊው ተከላካይ ሃሪ ማጓየር ማንቼስተር ዩናይትድን በይፋ ተቀላቀለ።

የሌሲስተር ሲቲው ተከላካይ የላንክሻየሩን ክለብ የተቀላቀለበት 80 ሚሊየን ፓውንድ ዋጋም የዓለም ውዱ ተከላካይ ያደርገዋል።

ተጫዋቹ በዛሬው እለት የዝውውር ጉዳዮችን ጨርሶ ክለቡን በይፋ ተቀላቅሏል።

ተጫዋቹ በኦልድትራፎርድ ለቀጣዮቹ 6 ዓመታት ለመቆየት የተስማማ ሲሆን፥ በሳምንት 200 ሺህ ፓውንድ ደመወዝ ይከፈለዋልም ተብሏል።

የ26 አመቱ ተከላካይ የማንቼስተር ዩናይትድን የዝውውር ጥያቄ በደስታ እንደተቀበለውና የክለቡ አካል በመሆኑ የተሰማውን ደስታ ፊርማውን ካኖረ በኋላ ተናግሯል።

ማጓዬር ከሁለት አመት በፊት ከሃል ሲቲ በ12 ሚሊየን ፓውንድ ለሌሲስተር ሲቲ መፈረሙ ይታወሳል።

You might also like
Comments
Loading...