Fana: At a Speed of Life!

ሁዋዌ የመጀመሪያውን በ5 ጂ ኢንተርኔት የሚሰራ ሞባይል ይፋ አደረገ

አዲስ አበባ፣ ነሃሴ 3፣ 2011 (ኤፍ ቢ ሲ) ሁዋዌ የተሰኘው የቻይና ግዙፍ የቴሌኮም ኩባንያ ለድርጅቱ የመጀመሪያ የሆነውንና በአምስተኛ ትውልድ (5ጂ) ኢንተርኔት የሚሰራ ተንቀሳቃሽ ስልክ (ሞባይል) ይፋ አድርጓል።

ይህ 5ጂ የኢንተርኔት አገልግሎት የተገጠመለት ሞባይል ሁዋዌ ሜት 20 ኤክስ የሚል ስያሜ ተሰጥቶታል።

ሞባይሉ ፈጣን የኢንተርኔት አገልግሎት ማግኘት ከማስቻሉም በላይ የተለያዩ ቴክኖሎጂዎች የተገጠሙለት መሆኑ ተነግሯል።

ይህም ሁዋዌ በቻይና የ5ጂ ኢንተርኔትን በራሱ ምርት ለንግድ አገልግሎት ማዋል የቻለ የመጀመሪያው ኩባንያ ያደርገዋል ተብሏል።

ኩባንያው ምርቱን ለገበያ ይፋ ማድረጉን ተከትሎም ከደንበኞቹ በርካታ ትዕዛዞችን እየተቀበለ መሆኑን አስታውቋል።

ሞባይሉ 6 ሺህ 199 ዩዋን ወይም 898 የአሜሪካ ዶላር የመሸጫ ዋጋ የተቆረጠለት ሲሆን፥ ከፊታችን ነሃሴ 16 ቀን 2011 ዓ.ም ጀምሮም ገበያ ላይ ይቀርባል ነው የተባለው።

ምንጭ፦ ሺንዋ

You might also like
Comments
Loading...