Fana: At a Speed of Life!

ሁዋዌይ በራሱ የሰራውን “ሀርሞኒ ኦፕሬቲንግ ሲስተም” ይፋ አደረገ

አዲስ አበባ፣ ነሃሴ 8፣ 2011 (ኤፍ.ቢ.ሲ) ሁዋዌይ በራሱ የሰራውን ሀርሞኒ የተባለ የስማርት ስልክ ኦፕሬቲንግ ሲስተም ይፋ አደረገ።

ግዙፉ የቻይና የቴክኖሎጂ ኩባንያ ሁዋዌይ “ሆንግሜንግ” ወይም በእንግሊዘኛ መጠሪያው “ሀርሞኒ” የተባለውን ኦፕሬቲንግ ሲስተሙን በደቡብ ቻይና ጉዋንዶንግ ግዛት ጎንጉዋን ከተማ እየተካሄደ ባለው ኮንፍረንስ ላይ ነው ይፋ ያደረገው።

ሁዋዌይ አሁን ይፋ ያደረገው አዲሱ ኢፕሬቲንግ ሲስተም ከአንድሮይድ እና አይ.ኦ.ኤስ ኦፕሬቲንግ ሲስተሞች የተለየ መሆኑን የሁዋዌይ ከስተመር ቢዝነስ ግሩፕ ዋና ስራ አስፈጻሚ ሪቻርድ ዩ አስታውቀዋል።

ኦፐሬቲንግ ሲስተሙ በቀላሉ ለጥቃት የማይጋለጥ በመሆኑ ሁሉም ሰው ሊተማመንበት ይገባል ሲሉም ነው ስራ አስፈፃሚው የተናገሩት።

ሀርሞኒ የተባለው ኦፕሬቲንግ ሲስተም በማንኛውም ስማርት ስልክ ላይ መገልገል አንደሚቻል ተደርጎ መሰራቱም ነው የተገለፀው።

ሁዋዌይ ኩባንያ ግን አዲስ ይፋ የሆነው ኦፕሬቲንግ ሲስተም በአሁኑ ወቅት በስማርት ስልኮች ላይ በስፋት ጥቅም ላይ እየዋለ ያለውን አንድሮይድ ኦፕሬቲንግ ሲስተም ለመተካት ተስቦ እንዳልተሰራ አስታውቋል።

በቀጣይ ሶስት ዓመታትም አዲሱ ሀርሞኒ ኦፕሬቲንግ ሲስተም ማሻሻያ እየተደረገለት በሂደት በተለያዩ የኤሌክትሮኒክስ መገልገያዎች ላይ ማለትም እንደ ስማርት ስልክ፣ ስማርት ሰዓት፣ ስማርት ስፒከር እና ስማርት ቴሌቪዥንን ጨምሮ ሌሎች ኦፕሬቲነግ ሲስተም በሚጠቀሙ መገልገያዎች ላይ እንዲገጠም እንደሚደረግም ታውቋል።

ኦፕሬቲንግ ሲስተሙ መጀመሪያ በቻይና ውስጥ ጥቅም ላይ ይውላል የተጋለ ሲሆን፥ በሂደት በዓለም ዙሪያ ጥቅም ላይ መዋል አንደሚጀምረም ነው ኩባንያው ያስታወቀው።

አሜሪካ እና ቻይና የንግድ ጦርነት ውስጥ መግባታቸውን ተከትሎ ግዙፉ የቻይና የቴክኖሎጂ ኩባንያ ሁዋዌይ አጣብቂኝ ውስጥ ገብቶ መቆየቱ ይታወቃል።

ኩባንያው ይህንን ተከትሎ አሁን እየተገለገለ ላለው የአሜሪካው ጎግል ኩባንያ ንብረት የሆነው አንድሮይድ ኦፕሬቲንግ ሲስተም ለመተካት የሚያስችለውን አማራጭ የራሱን ኦፕሬቲንግ ሲስተም መስራት መጀመሩም ይታወሳል።

ምንጭ፦ www.techworm.net

You might also like
Comments
Loading...