Fana: At a Speed of Life!

ሁሉም ሰው የሰላምን ዋጋ ተገንዝቦ የክልሉን የሰላም አምባሳደርነት በማስቀጠል አለበት- አቶ አወል አርባ

አዲስ አበባ፣ ነሃሴ 5፣ 2011 (ኤፍ.ቢ.ሲ) ሁሉም ሰው የሰላምን ዋጋ ተገንዝቦ ለሰላም የበኩሉን ሚና በመወጣት የክልሉን የሰላም አምባሳደርነት በማስቀጠል እንዳለበት የአፋር ክልል ርዕሰ መስተዳድር አቶ አወል አርባ ጥሪ አቀረቡ።

1440ኛው የኤደል አድሀ አረፋ በአል በአፋር ክልል በሰመራ-ሎጊያ እና አካባቢው የሰላት መስገድ ስነ-ስርአት በማካሄድ ተከብሮ ውሏል።

በሎጌያ ከተማ የሰላት ስነ ስረአት ላይ ተገኝተው መልእክት ያስተላለፉት የአፋር ክልል ርዕሰ መስተዳድር አቶ አወል አርባ፥ ለሰው ልጅ ሰላም ከምንም በላይ አስፈላጊ ነው ብለዋሰል።

ስለሆነም ሁሉም ሰው የሰላምን ዋጋ ተገንዝቦ የድርሻውን በመወጣት የክልሉን የሰላም አምባሳደርነት በማስቀጠል የልማት እና የዴሞክራሲን ግንባታ ስራውን ማፋጠን ይገባል ብለዋል።

የሸሪአ ፍርድ ቤት ሊቀመንበር እና የመጂሊስ ለአላ ምክትል ፕሬዚዳንት ሼክ መሀመድ ደረሳ በበኩላቸው፥ በዓሉን ስናከብር ሀይማኖቱ በሚፈቅደው መንገድ ስነ ስረአቱን በአግባቡ በማክበር የተቸገረን በመርዳት፣ በዘር፣ በጎሳ፣ በሀይማኖትእና በክልል ሳንከፋፈል አንድነታችንን በማጠናከር በፍቅር ተዋደን መኖር አለብን ብለዋል።

የበዓሉ ስነ-ስርአት ተካፋይ የሆኑት የእስልምና ሀይማኖት ተከታይ የሆኑት ግለሰቦችም፥ በአሉን በሰላም ያከበሩ መሆናቸውን እና የሀይማኖቱ ተከታይ ለሆኑትም የተቸገረን በመርዳት ባአሉን ማክበር እንደሚገባቸው መናገራቸውን የአፋር ክልል የመንግስት ኮሙዩኒኬሽን ጉዳዮች ጽህፈት ቤት ያደረሰን መረጃ ያመለክታል።

You might also like
Comments
Loading...