Fana: At a Speed of Life!

የመከላከያ ሚኒስቴር ሰሚት አካባቢ ያስገነባቸውን የጋራ መኖሪያ ቤቶች ለዕድለኞች አስረከበ

አዲስ አበባ፣ ሃምሌ 14፣ 2011 (ኤፍ.ቢ.ሲ) የሀገር መከላከያ ሚኒስቴር በአዲስ አበባ ሰሚት አካባቢ ያስገነባቸውን 112 የጋራ መኖሪያ ቤቶች ዛሬ በዕጣ ለሠራዊት አባላትና ለተቋሙ ሲቪል ሠራተኞች አስረከበ።

በዕጣው በቅርቡ ህይወታቸው ያለፈው የጠቅላይ ኢታማዦር ሹም ጄኔራል ሰዓረ መኮንን ቤተሰቦች ያለ ዕጣ የመኖሪያ ቤት ተጠቃሚ እንዲሆኑ ተደርጓል።

በዕጣው ከተሳተፉት መካከል 20 ከመቶ የቆጠቡ የሠራዊቱ አባላት፣ የመስሪያ ቤቱ ሲቪል ሰራተኞች እንዲሁም ጡረታ የወጡና በዝውውር በሌላ ተቋም የሚሰሩ ይገኙባቸዋል።

የጋራ መኖሪያ ቤቶቹ ርክክብ ሴቶችን ልዩ ተጠቃሚ ያደረገ ፣ የሠራዊቱን የአገልግሎት ዘመን መሰረት ያደረገና የጠቅላይ ኢታማዦር አለቆችንም ያካተተ ነው ተብሏል።

112ቱ የጋራ መኖሪያ ቤቶች 32 ባለ አራት፣ 20 ባለ ሶስት፣ 40 ባለ ሁለት መኝታ ክፍልና 20 ባለ አንድ መኝታ ናቸው።

ምንጭ፡- ኢዜአ

You might also like
Comments
Loading...