Fana: At a Speed of Life!

250 ሚሊየን የጂ ሜይል አድራሻዎች ‘ትሪክቦት‘ በተባለ ቫይረስ መጠቃታቸው ተገለፀ

አዲስ አበባ፣ ሃምሌ 10፣ 2011 (ኤፍ.ቢ.ሲ) ‘ትሪክቦት‘ በመባል በብዛት የሚታወቀው የኮምፒውተር ቫይረስ ተመልሶ በመምጣት መረጃዎችን እየመተነፈ መሆኑ ተሰምቷል።

እስካሁን ባለው መረጃም ‘ትሪክቦት‘ የተባለው ቫይረስ በዓለም ዙሪያ 250 ሚሊየን የጂ ሜይል አድራሻዎች ላይ ጥቃት መፈጸሙ ነው ጥናት ያመለከተው።

ዲፕ ኢኒስቲክት የተባለ ኩባንያ ባወጣው ጥናት መሰረት በቭይረሱ ጥቃት ከደረሰባቸው የጂሜይል አድራሻዎች ውስጥ የተወሰኑት አሜሪካ፣ የብሪታኒያ እና የካናዳ መንግስት መስሪያ ቤት አድራሻዎች መሆናቸውን ያመላክታል።

ቨይረሱ የተጠቃሚውን አድራሻዎች ከወሰደ በኋላ በወሰዳቸው አድራሻዎች ላይ በራሱ ኢ ሜይል የሚልክ ሲሆን፥ የሚፈልገውን መረጃ ከሰበሰ በኋላም የላካቸውን መልእክቶች መልሶ ያጠፋል ተብሏል።

በዚህም ምክንያት ተጠቃሚዎች በቫይረሱ ስለመጠቃታቸው ለማወቅ ይቸግራልም ብሏል ጥናቱ።

በጥናቱ እንደተለየው ከሆነ ከጂ ሜይል አድራሻዎች በተጨማሪም 19 ሚሊየን የያሆ አድራሻዎች፣ 11 ሚሊየን የሆት ሜይል እድራኛዎች እና በሚሊየን የሚቆጠሩ የAOL፣ MSN እና Yahoo.co.uk አድራሻዎችም ለቫይረሱ ተጋልጠዋል።

ምንጭ፦ fossbytes.com

You might also like
Comments
Loading...