Fana: At a Speed of Life!

116 ሚሊየን ብር ወጪ የተደረገበት የኢትዮጵያ ትምህርትና ጥናት ተቋም ማዕከል ተመረቀ

አዲስ አበባ፣ሐምሌ 4፣2011 (ኤፍ.ቢ.ሲ) የ116 ሚሊየን ብር ወጪ የተደረገበት በአዲስ አበባ ዩኒቨርሲቲ የኢትዮጵያ ትምህርትና ጥናት ተቋም ማዕከል ተመረቀ።

በአዲስ አበባ ዩኒቨርሲቲ ለኢትዮጵያ ትምህርትና ጥናት ተቋም በመሆን የሚያገለግል  ህንፃ  ግንባታው ተጠናቆ በዛሬው ዕለት ከዩኒቨርሲቲው ጋር  ርክክብ ተደርጓል።

የግንባታው ሙሉ ወጪም በሜድሮክ ኢንቨስትመንት ግሩፕ ባለቤት ሼህ መሀመድ ሁሴን አሊ አላሙዲ የተሸፈነ መሆኑ ተገልጿል።

በ116 ሚሊየን ብር ወጪ የተጠናቀቀው ይህ ህንፃ በ6 ሺህ 240 ካሬ ሜትር ላይ ያረፈ ሲሆን፥“ሼህ አላሙዲ ህንጻ “ተብሎ ተሰይሟል።

ህንጻው በውስጡ ቤተ መጻህፍት፣ የመሰብሰቢያ አዳራሽ፣ ቢሮዋች፣ የኤግዚቢሽን ማሳያና የመጻህፍት ክምችት ክፍልና ሌሎች በርካታ አገልግሎት ሊሰጡ የሚችሉ ክፍሎችን የያዘ መሆኑ ተገልጿል።

በአክሱማይት ገብረህይወት

You might also like
Comments
Loading...