Fana: At a Speed of Life!

ፌስቡክ ከካምብሪጅ አናላቲካ የመረጃ ብርበራ ጋር ተያይዞ 5 ቢሊየን ዶላር ሊቀጣ ነው

አዲስ አበባ፣ ሃምሌ 6፣ 201 (ኤፍ.ቢ.ሲ) ፌስቡክ ከካምብሪጅ አናላቲካ የመረጃ ብርበራ ጋር ተያይዞ 5 ቢሊየን ዶላር ቅጣት ተላለፈበት፡፡

በግለሰቦች መረጃ ጥሰት ምክንያት ለሚደረገው ምርመራ ኩባንያው 5 ቢሊየን ዶላር እንዲከፍል በፌዴራል ንግድ ኮሚሽን እንደተወሰነበት ተነግሯል፡፡

የአሜሪካ ፌዴራል ንግድ ከኮሚሽን ካምብሪጅ አናላቲካ የተሰኘ የፓለቲካ አማካሪ ድርጅት የ87 ሚሊየን ፌስቡክ ተጠቃሚዎችን መረጃ ያላአግባብ ተጠቅሟል በመላት በፌስቡክ ላይ ምርመራ እያደረገ ይገኛል፡፡

ፌስቡክ እንዲከፍል የተወሰነበት 5 ቢሊየን ዶላር በንግድ ኮሚሺኑ 3 ለ 2 በሆነ ድምፅ መፅደቁ ነው የተነገረው፡፡

ካምብሪጅ አናለቲካ 87 ሚሊየን የሚሆኑ የፌስቡክ ተጠቃሚዎችን መረጃ ተጠቅሟል የሚል ክስ ከቀረበበት በኋላ ከመጋቢት 2018 ጀምሮ በንግድ ኮሚሽኑ በኩል ምርመራ እየተካሄደበት ይገባል፡፡

ይህ ምርመራም የተጠቃሚዎችን የግል መረጃ አሳልፎ እንዳይሰጥ የሚከለክለውን የ2011 ስምምነት መጣስ አለመጣሱ ላይ  አተኩሮ የሚካሄድ መሆኑ ተጠቁሟል፡፡

ነገር ግን በፌስቡክ የሚፈፀመው 5 ቢሊየን ዶላር ክፍያ በአሜሪካ ፍትህ ቢሮ የሲቪል ክፍል ተቀባይነት ማግኘት እንደሚኖርበት የተገለፀ ሲሆን ምን ይህል ጊዜ ሊወስድ እንደሚችል የታወቀ ነገር የለም፡፡

በአሜሪካ በፈረንጆቹ 2016 በተካሄደው ምርጫ ለዶናልድ ትራምፕ ምርጫ ቅስቀሳ በአማካሪነት የተሳተፈው ተቋም ነው፡፡

ምንጭ፡-ቢቢሲ

You might also like
Comments
Loading...