Fana: At a Speed of Life!

ፈረንሳይ በስሟ የተመዘገቡ ሚሳኤሎች በሊቢያ የካሊፋ ሀፍጣር ጦር ማዘዣ ጣቢያ መገኘታቸውን አመነች

አዲስ አበባ፣ሐምሌ 4፣2011 (ኤፍ.ቢ.ሲ) ፈረንሳይ በስሟ የተመዘገቡ ሚሳኤሎች በሊቢያ የካሊፋ ሀፍጣር ጦር ማዘዣ ጣቢያ መገኘታቸውን አምናለች ።

የፈረንሳይ መከላከያ ሚኒስቴር ከአንድ ወር በፊት  በሊቢያ በጄነራል ካሊፋ ሀፍጣር  ጦር ማዘዣ ጣቢያ አካባቢ በመንግስት ወታደሮች የተገኙት አሜሪካ ሰራሽ ሚሳኤሎች ባለቤትነታቸው የፈረንሳይ መሆናቸውን አምኗል።

የተገኙት አምስት አሜሪካ ሰራሽ ጸረ ታንክ ጃቨሊን ሚሳኤሎችም እንደ አውሮፓውያ አቆጣጠር በ2010 ከአሜሪካ የተገዙ መሆናቸው ተገልጿል።

ሚሳኤሎቹ ወደ ስፍራው የተላኩትም በቀጠናው ያለውን ሽብርተኝነት ለመዋጋት በፈረንሳይ ጦር ጥቅም ላይ እንዲያውለው በማለም ነው ተብሏል።

የጦር መሳሪያዎቹም ጉዳት የደረሰባቸው ከመሆናቸው በላይ አገልግሎት መስጠት የማይችሉና እንዲወገዱ እቅድ ተይዞላቸው የነበሩ መሆናቸውንም ሚኒስቴሩ አስታውቋል።

ይሁን እንጂ ሚሳኤሎቹ እንዴትና በምን ሁኔታ በጄነራልን ካሊፋ ሀፍጣር ጦር ማዘዣ ጣቢያ እንደተገኙ ማብራሪ ከመስጠት ተቆጥቧል።

ግብጽ፣ የተባበሩት አረብ ኤምሬቶችና  ፈረንሳይ የጄነራልን ካሊፋ ሀፍጣር ጦርን የሚደግፉ ሀገራት መሆናቸው በዘገባው ተመላክቷል።

You might also like
Comments
Loading...