Fana: At a Speed of Life!

ፈረንሳይና ኢራን የቴሂራንን የኑክሌር መርሃ ግብርን አስመልክቶ ለውይይት መንገድ ለመፈለግ ተስማሙ

አዲስ አበባ፣ ሰኔ 30፣ 2011 (ኤፍ ቢ ሲ) ፈረንሳይ እና ኢራን የቴሂራንን የኑክሌር መርሃ ግብርን አስመልክቶ ተጨማሪ ውይይት የሚካሄድበትን መንገድ ለመፈለግ ተስማሙ።

የፈረንሳዩ ፕሬዚዳንት ኢማኑኤል ማክሮንና የኢራን አቻቸው ሀሰን ሩሃኒ በጉዳዩ ላይ በስልክ ተወያይተዋል።

መሪዎቹ ኢራን ከሀያላኑ ሀገራት ጋር የገባችውን የኑክሌር ስምምነት መታደግ እንደሚገባ ነው በዚሁ ውይይታቸው መስማማታቸው የተነገረው።

ዩናይትድ ስቴትስ ከስምምነቱ መውጣቷን ተከትሎ ስምምነቱ አደጋ ውስጥ ወድቋል።

ፕሬዚዳንት ሩሃኒ የአውሮፓ ሀገራት ስምምነቱን ከክሽፈት ሊያድኑት ይገባል ብለዋል።

ቴሂራን በስምምነቱ መሰረት ዩራኒየምን ማበልጸግ ከሚገባት ደረጀ በላይ ማበልፀጓ ይነገራል።

ዛሬም ተጨማሪ ዩራኒየምን በማበልፀጉ ገደብ ማለፈን ታሳውቃለች ተብሎ ይጠበቃል።

 

ምንጭ፦ ቢቢሲ

You might also like
Comments
Loading...