Fana: At a Speed of Life!

ግዙፍ የቴክኖሎጂ ኩባንያዎች በአሜሪካ መንግስት ምርመራ ሊደረግባቸው ነው ተባለ

አዲስ አበባ፣ ሃምሌ 17፣ 2011 (ኤፍ.ቢ.ሲ) በግዙፍ የቴክኖሎጂ ኩባንያዎች ላይ ምርመራ ሊያደርግ መሆኑን የአሜሪካ የፍትህ ሚኒስቴር አስታውቋል።

ኩባንያዎቹ ፍትሃዊ የንግድ ውድድር እንዳይካሄድ አድርገዋል በሚል ጥርጣሬ ምርመራው እንደሚካሄድባቸውም ታውቋል።

የአሜሪካ የፍትህ ሚኒስቴር ምርመራ የሚያካሂድባቸውን ኩባንያዎች በይፋ ባያሳውቅም፥ ምርመራው እንደ ፌስቡክ፣ ጎግል፣ አማዞን እና አፕል ያሉ የቴክኖሎጂ ኩባንያዎች ላይ እንደሚደረግ መረጃዎች አመላክተዋል።

እንደ ሚኒስቴሩ ገለጻ በኩባንያዎች ላይ ምርመራ ማድረግ ያስፈለገው በተለይም የኢንተርኔት ላይ የማፈላለጊያ ድረ ገጾችን ጨምሮ የማህበራዊ ትስስር ድረ ገጾች እና ኢንተርኔት ላይ የተለያዩ አገልግሎት የሚሰጡ ኩባንያዎች ፍትሃዊ የንግድ ውድድርን እየጎዱ ነው የሚል ስጋት እየጨመረ መምጣቱን ተከትሎ ነው።

የአሜሪካ የፌደራል የንግድ ኮሚሽን በኩባንያዎቹ ላይ ተመሳሳይ ምርመራ ማድረግ ከጀመረ ወራቶች የተቆጠሩ ሲሆን፥ የአውሮፓ ሀብረትም በተመሳሳይ ምርመራ እያደረገባቸው እንደሆነ ነው የተመለከተው።

የአሜሪካ የፍትህ ሚኒስቴር ከወር በፊት ጎግል ከእምነት ማጉደል ጋር በተያያዘ ምርመራ እንደሚያደርግበት ማስታወቁ ይታወሳል።

ምንጭ፦ www.bbc.com

You might also like
Comments
Loading...