Fana: At a Speed of Life!

ጃኮብ ዙማ በሙስና ሰበብ ሴራ እንደተፈጸመባቸው ተናገሩ

አዲስ አበባ ፣ ሃምሌ 8 ፣ 2011 (ኤፍ ቢ ሲ) የደቡብ አፍሪካው የቀድሞ ፕሬዚዳንት ጃኮብ ዙማ በሙስና ሰበብ ሴራ እንደተፈጸመባቸው ተናገሩ።

ዙማ በተጠረጠሩበት የሙስና ወንጀል ጋር በተያያዘ ፍርድ ቤት ቀርበዋል።

በሰጡት የእምነት ክህደት ቃልም እንደተባለው ሙስና አለመፈጸማቸውን አስረድተዋል።

ዙማ “በውጭ ሃገራት የስለላ ተቋማት አማካኝነት በሙስና ስም ሴራ ተፈጽሞብኛልም” ነው ያሉት።

ይህም እርሳቸውን ከፖለቲካ መድረክ ለማግለል የተደረገ ነው ሲሉም አስረድተዋል።

ጃኮብ ዙማ በፈረንጆቹ 2018 ከስልጣን መልቀቃቸው ይታወሳል።

በወቅቱ የእርሳቸው ምክትል በነበሩትና በአሁኑ የሃገሪቱ ፕሬዚዳንት ሲሪል ራማፎሳ መተካታቸውም የሚታወስ ነው።

ራማፎሳ የዙማን የዘጠኝ አመታት የስልጣን ቆይታ “የባከነ ጊዜ” በማለት ይገልጹታ።

ዙማ ከህንዳውያኑ የጉፕታ ቤተሰብ ጋር ግንኙነት በመመስረት ሙስና ፈጽመዋል በሚል መከሰሳቸው ይታወሳል።

ከዚህ ባለፈም ቦሳሳ ከተባለው ኩባንያ ጉቦ በመቀበልም ውንጀላ ቀርቦባቸዋል።

 

 

ምንጭ፦ ቢቢሲ

You might also like
Comments
Loading...