Fana: At a Speed of Life!

ደቡብ ኮሪያ እያከናወነች ያለው የኤፍ-35 የጦር ጀት ግዥ አደገኛ ነው ስትል ሰሜን ኮሪያ አወገዘች

አዲስ አበባ፣ ሃምሌ 4፣ 2011 (ኤፍ.ቢ.ሲ) ደቡብ ኮሪያ እያከናወነች ያለው የኤፍ-35 የጦር ጀት ግዥ አደገኛ ነው ስትል ሰሜን ኮሪያ አወገዘች።

ደቡብ ኮሪያ አሜሪካ ሰራሽ ኤፍ 35 ዘመናዊ የጦር ጀት ግዥ እያከናወነች መሆኑ ሰሜን ኮሪያ ዘመናዊ የጦር መሳሪያዎችን ለማምረትና ሙከራ ላይ እንድታውል የሚያስገድድ መሆኑ ተነግሯል።

ክስተቱ ደቡብ ኮሪያ ሁለቱ ሀገራት በቀጠናው ሰላም ዙሪያ እያደረጉት ላለው እንቅስቃሴ ትኩረት ያለመሰጠቷን የሚያሳይ መሆኑን የሰሜን ኮሪያ ባለስልጣናትን ጠቅሰው የሀገሪቱ መገናኛ ብዙሃን ዘግበዋል፡፡

ደቡብ ኮሪያ ኤፍ -35 አሜሪካ ስሪት ሁለት ዘመናዊ የጦር ጀቶችን በአውሮፓውያኑ መጋቢት ወር ማስገበቷ የተገለጸ ሲሆን፥ ሌሎች ተጨማሪ ጀቶችም በያዝነው የአውሮፓዊያኑ አመት ታስገባለች ተብሎ ይጠበቃልም ነው የተባለው።

እስከ አውሮፓዊያኑ 2021 ድረስም 40 ዘመናዊ የጦር አውፕላኖችን ለማስገባት ከአሜሪካ ጋር ስምምነት መፈራረሟ ነው የተገለጸው።

ደቡብ ኮሪያ በሶሪያ ልሳነ ምድር የወታደራዊ የበላይነቱን ለመውሰድ የምታደርውን ያልተጠበቀ የጦር መሳሪያ ግዥ ለቀጠናው አካባቢ ስጋት እና ሰሜን ኮሪያ በቸልተኝነት የማትመለከተው ነው ተብሏል።

በዚህም ሰሜን ኮሪያ ራሷን ለመከላከል የሚስችላትን ዘመናዊ የጦር መሳሪያ ለማልማት እና ሙከራ ለማድረግ እንደምትገደድ በዘገባው ተመላክቷል።

 

 

ምንጭ፡- ሬውተርስ

You might also like
Comments
Loading...