Fana: At a Speed of Life!

የደቡብ ብሔር ብሔረሰቦችና ህዝቦች ክልል የጸጥታ ሥራ በግዜያዊ ኮማንድ ፖስት እንዲመራ ተወሰነ

አዲስ አበባ፣ ሃምሌ 16፣ 2011 (ኤፍ.ቢ.ሲ) የደቡብ ብሔር ብሔረሰቦችና  ህዝቦች ክልል  ሁሉም ዞኖች፣ ሀዋሳ ከተማ አስተዳደርና ልዩ ወረዳዎች የጸጥታ ሥራው በፌዴራልና በጸጥታ ሃይል ቁጥጥር ሥር ሆኖ በግዜያዊ ኮማንድ ፖስት እንዲመራ መወሰኑ ተገልጿል።

የክልሉ መንግስት ያወጣው መግለጫ እንዳመለከተው በአንዳንድ አካባቢዎች በተከሰቱ የጸጥታ ችግሮች፤ የህግ የበላይነት በአግባቡ እንዳይከበር  ንቅፋት መሆኑና የዜጎች ደህንነት ጥያቄ ላይ በመውደቁ የክልሉ መንግስት በጠየቀው መሰረት ከሐምሌ 15 2011 ዓ.ም ጀምሮ በኮማንድ ፖስት እንዲመራ የፌዴራል የፀጥታ ምክር ቤት ወስኗል።

በክልሉ በተከሰተው ሁከትና ብጥብጥ ምክንያት በንብረትና በሰው ህይወት ላይ ጉዳት እየደረሰ መሆኑ፣ ያልተፈቀዱ ሰልፎችና የክልሉን ፀጥታ የሚያውኩ እንቅስቃሴዎች እንደሚስተዋሉም ነው በመግለጫው የተጠቀሰው፡፡

ስለሆነም በክልሉ ሰላምና ደህንነት ለማስፈን እንዲሁም የህግ የበላይነትን ለማረጋገጥ እንዲቻልም ከሐምሌ 15/2011 ዓ.ም ጀምሮ ክልሉ በፌዴራልና በፀጥታ ሃይል ቁጥጥር ሥር ሆኖ በግዜያዊ ኮማንድ ፖስት እንዲመራ ተወስኗል።

ዝርዝሩ  በቀጣይ ይፋ እንደሚሆንም ተገልጿል፡፡

ምንጭ፦ የደቡብ መገናኛ ብዙሃን

You might also like
Comments
Loading...