Fana: At a Speed of Life!

የኤች አይ ቪ ስርጭት ትኩረት ሊሰጠው እንደሚገባ የሴቶች ህጻናትና ወጣቶች ሚ/ር አስታወቀ

አዲስ አበባ፣ ሃምሌ 5፣ 2011 (ኤፍ.ቢ.ሲ) በሀገሪቱ አንዳንድ አካባቢዎች የኤች አይ ቪ ስርጭት ትኩረት ሊሰጠው እንደሚገባ የሴቶች ህጻናትና ወጣቶች ሚኒስቴር አስታወቀ።

የሴቶች ህጻናትና ወጣቶች ሚኒስትር ዲኤታ ወይዘሮ ስመኝ ውቤ ለፋና ብሮድካስቲንግ ኮርፖሬት እንደገለጹት፥ በሀገር አቀፍ ደረጃ 0 ነጥብ 9 የሆነው የቫይረሱ የስርጭት መጠን በጋምቤላ ክልልና አዲስ አበባ ከተማ ጭማሪ ማሳየቱን ተናግረዋል፡፡

ለዚህም የግንዛቤ ማስጨበጫ ስራዎች መቀዛቀዝ እና የፋይናንስ ችግር ዋነኛ ምክንያት መሆኑን አንስተዋል፡፡

በአዲስ መልክ በኢፌዴሪ ፕሬዚዳንት ሳህለወርቅ ዘውዴ የሚመራ ምክር ቤት በማደራጀት ወደ ስራ መገባቱንም ነው የተናገሩት።

ኤች አይ ቪን ለመከላከል የሚውል ሃብት ማሰባሰብ የሚቻልበት አሰራርን ለመዘርጋትም ሂደቶች መጠናቀቃቸውን ገልጸዋል።

የፌደራል ኤች አይ ቪ መከላከልና መቆጣጠሪያ ጽህፈት ቤት ዋና ዳይሬከተር ዶክተር ጽጌረዳ መላኩ በበኩላቸው፥ መንግስት የቫይረሱን ስርጭት ለመግታት መስራት አለበት ብለዋል፡፡

ይህ ካልሆነ ጉዳቱ ከፍተኛ ነው ያሉት ዶክተር ጽጌረዳ ባለፈ ስኬት ከመኩራራት አሁን የገጠመውን አደጋ መከላከል እንደሚገባም አስረድተዋል።

በሀይለኢየሱስ መኮንን

You might also like
Comments
Loading...