Fana: At a Speed of Life!

የኢኖቬሽንና ቴክኖሎጂ ሚኒስቴር ሲደግፋቸው የነበሩ 9 ምርምሮችን አስመረቀ

አዲስ አበባ፣ሐምሌ 4፣2011 (ኤፍ.ቢ.ሲ) የኢኖቬሽንና ቴክኖሎጂ ሚኒስቴር ሲደግፋቸው የነበሩ 9 ምርምሮችን አስመርቋል።

ምርምሮቹ ከ2007 ዓመተ ምህረት ጀምሮ ሲካሄዱ የነበሩ ሲሆን፥ ተጠናቅቀው ወደ ምርትና አገልግሎት መግባት የሚችሉ መሆናቸው ተረጋግጧል።

ከተመረቁት ምርምሮች ውስጥም  ከፋብሪካ በሚወጣ ዝቃጭ የተበከሉ ወንዞችን ማከም፣ የተቀናጀ የውሃ ሃብትና ግብርና፣ ኩቺኒያ የሚባል ተባይን የሚያጠፋ መድሃኒትና የበቆሎ ባክቴሪያ ማጥፊያ መድሃኒት ይገኙበታል።

ምርምሮቹ ችግር ፈቺ፣ ዘርፍ ተሻጋሪ እና ወደ ስራ ሲገቡ ኢኮኖሚያዊ ተጠቃሚነትን የሚያረጋግጡ መሆናቸውን ከኢኖቬሽንና ቴክኖሎጂ ሚኒስቴር ያገኘነው መረጃ ያመላክታል።

የኢኖቬሽንና ቴክኖሎጂ ሚኒስትር ዴኤታው ጀማል በከር የምርምር ስራዎቹ ወደ ስራ ገብተው የስራ እድል እንዲፈጥሩ እና የማህበረሰቡን የኢኮኖሚያዊ ተጠቃሚነት እንዲያረጋግጡ ለማድግ መስሪ ቤቱ ሙሉ ድጋፍ እንደሚያደርግ ተናግረዋል፡፡

You might also like
Comments
Loading...