Fana: At a Speed of Life!

የአዲስ አበባ አዴፓ ኮሚቴ በአማራ ክልል መስዋዕት ለሆኑ የክልሉ ከፍተኛ አመራሮች ቤተሰቦች የገንዘብ ድጋፍ አደረገ

አዲስ አበባ፣ ሐምሌ 3፣ 2011 (ኤፍ.ቢ.ሲ) የአዲስ አበባ የአማራ ዴሚክራቲክ ፓርቲ (አዴፓ) ኮሚቴ በአማራ ክልል መስዋዕት ለሆኑ የክልሉ ከፍተኛ አመራሮች ቤተሰቦች የገንዘብ ድጋፍ አደረገ።

በአዲስ አበባ የአዴፓ ኮሚቴ በትናንትናው ዕለት ሰኔ 15 ቀን 2011ዓ.ም በተፈፀመው ጥቃት መስዋዕት ለሆኑ የአማራ ክልል ከፍተኛ የመንግሥት የስራ ሃላፊዎች የመታሰቢያ እና ቤተሰቦቻቸውን የማፅናናት ዝግጅት አካሂዷል።

በሸራተን አዲስ ሆቴል በተከናወነው በዚህ ስነ-ስርዓት ምክትል ጠቅላይ ሚነስትር እና የአዴፓ ሊቀመንበር አቶ ደመቀ መኮንንን ጨምሮ ከፍተኛ የመንግስት የስራ ሃላፊዎች ተገኝተዋል።

በዝግጅቱ ላይም በአዲስ አበባ የአዴፓ ኮሚቴ ለተጎጂ ቤተሰቦች የ5 ነጥብ 4 ሚሊየን ብር የገንዘብ ድጋፍ አድርጓል።

የገንዘብ ድጋፉ ከከተማው ህብረተሰብ፣ አመራሮች እና ድጋፍ ካደረጉ ድርጅቶች በአጭር ቀናት ውስጥ የተሰበሰበ መሆኑ ተገልጿል።

በዝግጅቱ ላይ የተገኙት የሶስቱ ተጎጂ አመራሮች ቤተሰቦችም የተሰባሰበውን ገንዘብ በእኩል መጠን ከአቶ ደመቀ መኮንን እጅ ተረክበዋል።

በተመሳሳይ የአዲስ አበባ ከተማ አስተዳደር ለተጎጂ ቤተሰቦች በከተማዋ ውስጥ የመስሪያ ቦታ ለማመቻቸት ቃል ገብቷል።

በመላኩ ገድፍ

You might also like
Comments
Loading...