Fana: At a Speed of Life!

የተባበሩት አረብ ኤሜሬቶች ባለሀብት ከአንታርክቲካ የበረዶ ክምር ለማስመጣት አቅዷል

አዲስ አበባ ፣ ሃምሌ 4 ፣ 2011 (ኤፍ ቢ ሲ) የተባበሩት አረብ ኤሜሬቶች ባለሀብት ንፁህ የመጠጥ ውሃ ለማቅረብ ከአንታርክቲካ ግዙፍ የበረዶ ክምር ለማስመጣት እየተንቀሳቀሰ ነው ተብሏል፡፡

የተባበሩት አረብ ኤሜሬቶች ሞቃታማ በሆነው የአየር ፀባይ ምክንያት ንፁህ የመጠጥ ውሃን ለማግኘት በከፍተኛ ሁኔታ ትቸገራለች ነው የሚባለው፡፡

አብዱላህ አልሺሂ የተባለው ግለሰብ 2 ኪሎ ሜትር በ500 ሜትር የሆነ በረዶን ከአንታርክቲካ ዘመናዊ ቴክኖሎጂን በመጠቀም ለማስመጣት እየተንቀሳቀሰ እንደሚገኝ ተነግሯል፡፡

የአረብ ባህረሰላጤዋ ሀገር ባለሀብት  8 ሺህ 851 ኪሎ ሜትር ከሚርቀው አንታርቲካ ግዙፍ በረዶ ለማምጣት ማቀዱ ብዙዎችን እያስገረመ ይገኛል፡፡

ከአንታርቲካ ይመጣል የተባለው ይህ በረዶ ለመጠጥ ውሃ አቅርቦት ብቻ ሳይሆን በአካባቢው ለላለው አየር ፀባይ በጎ አስተዋፅኦ ይኖረዋል ተብሏል፡፡

የተባበሩት አረብ ኤሜሬቶች የመጠጥ ውሃን ለዜጎች የምታቀርበው ጨዋማ ውሃዎችን በማጣራት ሂደት ሲሆን ውድና እና ለአካባቢ ጎጂ መሆኑ ነው ይነገራል፡፡

ይህ በረዶ መምጣቱም የመጠጥ ውሃን በቀላል ዋጋ ለዜጎች ማቅረብ እንደሚያስችለው ተነግሯል፡፡

ምንጭ፡-ኦዲቲሴንትራል

You might also like
Comments
Loading...