Fana: At a Speed of Life!

የብራዚሉ ፕሬዚዳንት ቦልሶናሮ ልጃቸውን በአምባሳደርነት ሊሾሙ ነው

አዲስ አበባ፣ ሃምሌ 5፣ 201 (ኤፍ.ቢ.ሲ) የብራዚሉ ፕሬዚዳንት ጃዬር ቦልሶናሮ ኤድዋርድ የተባለው ልጃቸውን በአሜሪካ የብራዚል አምባሳደር እንዲሆን ግብዣ እንዳቀረቡለት ተነገረ፡፡

ይህም የፕሬዚዳንቱ ቤተሰቦች በብራዚል ዲፕሎማሲ እና በሀገሪቱ ፖለቲካ ውስጥ ያላቸውን ተፅዕኖ የሚያሳይ ነው ተብሏል።፡

ኤድዋርድ ቦልሶናሮ የተባለው የፕሬዚዳንቱ ልጅ በአሁኑ ወቅት የሃገሪቱ ምክር ቤት አባል ሲሆን፥ አምሳደር እንዲሆን የሚታጭ ከሆነ ሃላፊነቱን ለመረከብ ዝግጁ መሆኑን ለጋዜጠኞች ተናግሯል፡፡

ፕሬዚዳንት ጃዬር ቦልሶናሮ የአምሳደርነት ሹመቱ በልጃቸው ኤድዋርድ ቦልሶናሮ ውሳኔ ላይ የተመሰረተ መሆኑን ገልጸዋል።

ሹመቱን ለመቀበል መዘጋጀቱን የገለጸው የፕሬዚዳንቱ ልጅ አሁን የሚገኝበትን የምክር ቤት አባልነት ለመልቀቅ መዘጋጀቱን አስታውቋል፡፡

ኤድዋርድ ቦልሶናሮ የሹመቱ የመጨረሻ ውሳኔ በአባቱ እና በውጭ ጉዳይ ሚኒስትሩ ኤርኔስቶ አራጆ ላይ የተመሰረተ መሆኑን ጠቅሷል፡፡

ይህ ሹመት በላይኛው ምክር ቤት ከመፅደቁ በፊት በውጭ ግንኙነት ኮሚቴ ሴኔት መጽደቅ ይኖርበታል።

የፕሬዚዳንቱ ታላቅ ልጅ ፍላቪዮ በማህበራዊ ጉዳዮች ወግ አጥባቂነት የሚታወቅ ሲሆን ካርሎስ የተባለው ልጃቸው ደግሞ የአባቱን የማህበራዊ ሚዲያ ግንኙነት ይመራል፡፡

 

ምንጭ፦ አልጄዚራ

You might also like
Comments
Loading...