Fana: At a Speed of Life!

የቀድሞ የዲሞክራቲክ ሪፐብሊክ ኮንጎ አማጽያን ቡድን መሪ ቦስኮ ናታጋንዳ ክስ ተመሰረተባቸው

አዲስ አበባ ሐምሌ 2፣ 2011(ኤፍ ቢሲ) የቀድሞ የዲሞክራቲክ ሪፐብሊክ ኮንጎ  ኤም 23 አማፅያን ቡድን መሪ ቦስኮ ናታጋንዳ ክስ ተመሰረተባቸው።

የአለም አቀፉ ወንጀለኞች ፍርድ ቤት በቀድሞ የዲሞክራቲክ ሪፐብሊክ ኮንጎ ኤም 23 አማፅያን ቡድን መሪ ቦስኮ ናታጋንዳ ላይ ክስ መስርቷል።

ቦስኮ ናታጋንዳ ክሱ የተመሰረታባቸውም በሰብዓዊ መብት ጥሰት እና በጦር ወንጀለኝነት ጥፋት መሆኑ ተገልጿል።

የአማጽያን ቡድን መሪው ቦስኮ ህፃናትን ለውትድርና በማሰማራት ፣አስገድዶ በመድፈር ፣በግድያ፣የጾታ ባርነትን ጨምሮ በ13 የጦር ወንጀሎችና በሶስት የሰብዓዊ መበት ጥሰቶች በድምሩ በ18 ወንጀሎች ነው ክስ የተመሰረተባቸው።

የአለም አቀፉ ወንጀለኞች ፍርድ ቤት ቦስኮ በጾታ ባርነት ወንጀል ክስ የተመሰረተባቸው የመጀመሪያው ሰው መሆናቸውን አስታውቋል።

በቅፅል ሰማቸው “ተርሚኔተር” ተብለው  የሚጠሩት ቦስኮ  በሀገሪቱ ሰሜን ምስራቅ ግዛት ተከስቶ በነበረው ግጭት  ለጠፋው የርካታ ንጹሃን ዜጎች ህይወት ተጠያቂ መሆናቸው በዘገባው ተመላክቷል።

ቦስኮ በበኩላቸው ስራቸው  ወታደር የነበረ መሆኑን በመጥቀስ “ወታደርነት ወንጀን አይደለም “፤ተርሚኔተር የሚለው ቅፅል ስምም ምግባሬን አይገልፅም ሲሉ ተከራክረዋል።

ምንጭ ፦አልጀዚራ

You might also like
Comments
Loading...