Fana: At a Speed of Life!

የሴቶች መብት ተሟጋች ፓኪስታናዊቷ ማላላ የሱፍዛይ አዲስ አበባ ትገኛለች

አዲስ አበባ፣ ሃምሌ 5፣ 201 (ኤፍ.ቢ.ሲ) ፓኪስታናዊቷ የሴቶች መብት ተሟጋች ማላላ የሱፍዛይ አዲስ አበባ ትገኛለች፡፡

የ22 ዓመቷ ማላላ የሱፍዛይ በሴቶች መብት ዙሪያ በኢትዮጵያ ያለውን ሁኔታ ለመመልከት ባለፈው ማክሰኞ አዲስ አበባ ገብታለች።

የሴቶች መብት እንዲረጋገጥ በዓለም አቀፍ ደረጃ እየተንቀሳቀሰች የምትገኘው ማላላ የሱፍዛይ 22ኛ አመት ልደቷን አዲስ አበባ ላይ በዛሬው ዕለት አክብራለች፡፡

ማላላ የልደት ቀኗን አዲስ አበባ ላይ ማክበሯ ከፍተኛ ደስታ እንደፈጠራላት ከፋና ብሮድካስቲንግ ኮርፖሬት ጋር በነበራት ቆይታ ወቅት ተናግራለች፡፡

በአዲስ አበባ ቆይታዋ ከጠቅላይ ሚኒስትር ዶክተር አብይ አህመድ እና ከሴቶች መብት ተሟጋቾች ጋር ተወያይታለች፡፡

ከጠቅላይ ሚኒስትሩ ጋር በነበራት ቆይታም የኢትዮጵያ መንግስት ሴቶች በትምህርት ተጠቃሚ እንዲሆኑ የበለጠ እንዲሰራ ጥያቄ ማቅረቧን ተናግራለች፡፡

በነገው ዕለት የአዲስ አበባ ቆይታዋን የምታጠናቀቀው ማላላ ኢትዮጵያውያን ሴቶች ከፍተኛ አቅም እንዳላቸው መረዳቷን የገለፀች ሲሆን ድጋፍ ሊደረግላቸው ግን ይገባል ብላለች።

 

በአክሱማዊት ገብረህይወት

You might also like
Comments
Loading...