Fana: At a Speed of Life!

ኬንያ በአፍሪካ ትልቁን የንፋስ ሀይል ማመንጫ ስራ አስጀመረች

አዲስ አበባ፣ ሃምሌ 13፣ 2011 (ኤፍ.ቢ.ሲ) ኬንያ 310 ነጥብ 25 ሜጋ ዋት የሚያመርተውን በአፍሪካ ትልቁን የንፋስ ሀይል ማመንጫ ስራ አስጀመረች፡፡

ይህም በሀገሪቱ የኤሌክትሪክ ዋጋ  እንዲቀነስና  ዜጎችን ከነዳጅ ጥገኝነትም እንዲላቀቁ ለማድረግ ተስፋ ተጥሎበታል፡፡

የነፋስ ሀይል ማመንጫ ፕሮጀክቱ  ኬንያ የሀይል አቀርቦቷን በቀጣይ አመት ሙሉ ለሙሉ ከታዳሽ ሀይል ለማድረግ የያዘችውን እቅድ እውን ለማድረግ ያስችላልም ተብሏል፡፡

የኬንያው ፕሬዚዳንት ኡሁሩ ኬንያታ 365 ተረባይኖች ያሉት ይህ የነፋስ ሀይል ማመንጫ የሀገሪቱን የሀይል አቀርቦት 13 በመቶ እንደሚያሳድግ ተናግረዋል፡፡

ኬንያ በቅርብ ዓመታት በታዳሽ ሀይል ላይ ውጤታማ ስራ እያከናወነች እንደሚገኝ የተገለፀ ሲሆን በአፍሪካም በንፁህ የሀይል አቀርቦት ውጤታማ ስራ መስራት ላይ ከሚገኙ ጥቂት የአፍካ ሀገራት መካከል ትጠቀሳለች፡፡

የሀገሪቱ 70 በመቶ የሀይል አቀርቦት ውሃና እንፋሎትን ከመሰሉ ታዳሽ ሀይሎች እንደሚገኝ ነው መረጃዎች የሚያመለክቱት፡፡

ኬንያ በፈረንጆቹ 2020 የሀይል አቅርቦቷን ሙሉ በመሉ ወይንም  መቶ በመቶ ከታዳሽ ሀይል ለማድረግ እየሰራች እንደምትገኝ ፕሬዚዳንቱ ተናግረዋል፡፡

ምንጭ፡- አልጀዚራ

You might also like
Comments
Loading...