Fana: At a Speed of Life!

ከ2 ነጥብ 4 ሚሊየን በላይ ዶላርን ጨምሮ የተለያዩ ሃገራት ገንዘቦችን ሲያዘዋውሩ የተገኙ ግለሰቦች በቁጥጥር ስር ዋሉ

አዲስ አበባ ፣ ሃምሌ 14 ፣ 2011 (ኤፍ ቢ ሲ) ከ2 ነጥብ 4 ሚሊየን በላይ ዶላርን ጨምሮ የተለያዩ ሃገራት ገንዘቦችን በህገ ወጥ መልኩ ሲያዘዋውሩ የተገኙ ግለሰቦች በቁጥጥር ስር ዋሉ።

የፌደራል ፖሊስ ኮሚሽን የፋይናንስ ወንጀል ምርመራ ምክትል ዳይሬክተር ኮማንደር ታደሰ አያሌው ለፋና ብሮድካስቲንግ ኮርፖሬት እንደተናገሩት፥ ገንዘቦቹ በተለያየ ጊዜና በተለያየ ቦታ በብሄራዊ መረጃና ደህንነት አገልግሎት፣ በጉምሩክ ኮሚሽንና በፌደራል ፖሊስ የተያዙ ናቸው።

ከዚህ ውስጥ 2 ሚሊየን 486 ሺህ 500 የአሜሪካ ዶላር፣ 55 ሺህ 664 ፓውንድ፣ 25 ሺህ 670 የካናዳ ዶላር፣ 8 ሺህ 800 የአውስትራሊያ ዶላር፣ 19 ሺህ 700 ድርሃም፣ 18 ሺህ 390 ሪያል እና 24 የተለያዩ ሃገራት ገንዘቦች መያዛቸውንም ተናግረዋል።

ግለሰቦቹ ጉዳያቸው በምርመራ አልቆ በፍርድ ቤቱ መያዙንም ገልጸዋል።

 

 

በታሪክ አዱኛ

You might also like
Comments
Loading...